‘రౌడీ’, ‘అనుక్షణం’, ‘ఎర్రబస్సు’ ఇలా ఒకదానితో ఒకటి సంబంధం లేని కథలతో తెలుగు ప్రేక్షకులను మెప్పిస్తూ వస్తున్నా యంగ్ హీరో మంచు విష్ణు నటించిన లేటెస్ట్ యాక్షన్ థ్రిల్లర్ ‘డైనమైట్’. పెర్ఫార్మన్స్ కి, ఇంటెన్స్ ఉన్న సినిమాలకి ఎక్కువ ప్రాధాన్యత ఇచ్చే దేవకట్టా దర్శకత్వం వహించిన ఈ సినిమాలో ప్రణిత హీరోయిన్ గా నటించింది. యాక్షన్ థ్రిల్లర్ గా తెరకెక్కిన ఈ సినిమాలో మంచు విష్ణు చేసిన రియలిస్టిక్ యాక్షన్ ఎపిసోడ్స్ తో ఈ సినిమాకి హైలైట్ కానున్నాయని ఇది వరకే తెలియజేశాం. యాక్షన్ ఎపిసోడ్స్ తో పాటు ఈ సినిమాలో మరో పాయింట్ కూడా హైలైట్ కానుంది.
అదేమిటంటే డైనమైట్ స్క్రీన్ ప్లే చాలా స్పీడ్ గా ఉండనుంది. సినిమా మొదటి నుంచి చివరి దాకా పరిగెడుతూ ఉంటుంది. ఈ స్పీడ్ స్క్రీన్ ప్లే వలన సినిమా చూసే ఆడియన్స్ సీట్ చివర్లో కూర్చొని నెక్స్ట్ ఏం జరుగుతుందా అనేలా ఈ సినిమాని చూస్తారు. దానివల్ల ఆడియన్స్ కి సినిమా చాలా బాగా నచ్చుతుందని ఈ చిత్ర టీం అంటోంది. మంచు విష్ణుతో పాటు ప్రణిత కూడా రియలిస్టిక్ స్టంట్స్ చేసిన ఈ సినిమాలో జెడి చక్రవర్తి మెయిన్ విలన్ గా కనిపించనున్నాడు. సెప్టెంబర్ 4న ఈ సినిమా ప్రపంచ వ్యాప్తంగా రిలీజ్ కానుంది.