Like us on Facebook
 
ఫేమస్ లొకేషన్లలో షూట్ చేయనున్న అఖిల్ అండ్ టీమ్ !


అక్కినేని అఖిల్ తాజాగా విక్రమ్ కుమార్ దర్శకత్వంలో ఒక సినిమాని మొదలుపెట్టిన సంగతి తెల్సిందే. స్వయంగా అక్కినేని నాగార్జున పూర్తి శ్రద్ద తీసుకుని నడిపిస్తున్న ప్రాజెక్ట్ కావడంతో దీనిపై సినీ వర్గాల్లో, అక్కినేని అభిమానుల్లో భారీ అంచనాలున్నాయి. గత ఏప్రిల్ నెల 4 వ తేదీ నుండి రెగ్యులర్ షూట్ మొదలుపెట్టుకున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది. ఇప్పటికే హైదరాబాద్లోని పలు లొకేషన్లలో ఒక భారీ షెడ్యూల్ ను పూర్తి చేసిన యూనిట్ ఇండియాలోని పలు ఫేమస్ లొకేషన్లకు వెళ్లారు.

నార్త్ ఇండియాలోని అలహాబాద్, ఆగ్ర, లక్నో వంటి ప్రాంతాలు ఆ లొకేషన్ల జాబితాలో ఉన్నాయి. అక్కడే పలు కీలకలమైన సన్నివేశాల చిత్రీకరణ జరగనుంది. దర్శకుడు విక్రమ్ కుమార్ అఖిల్ ను ఈ చిత్రంలో సరికొత్తగా చూపించే ప్రయత్నం చేయిస్తున్నారు. అఖిల్ కూడా ప్రాజెక్ట్ కోసం వర్కవుట్స్ చేస్తూ బాడీ లుక్ మార్చుకుంటున్నాడు. ఇకపోతే ‘ఎక్కడ ఎక్కడ ఉందో తారక’ అనే క్లాసీ టైటిల్ పరిశీలనలో ఉన్న ఈ చిత్రానికి అనూప్ రూబెన్స్ సంగీతం అందిస్తుండగా, పి. ఎస్. వినోద్ సినిమాటోగ్రఫీ చేస్తున్నారు.

ప్రకటన : సంబంధం కోసం వెతుకుతున్నారా? తెలుగు మాట్రిమోని లో  రిజిస్ట్రేషన్ ఉచితం!

Bookmark and Share