ఇటీవలే రవితేజతో ‘రాజా ది గ్రేట్’ సినిమా చేసి మంచి కమర్షియల్ హిట్ అందుకున్న దర్శకుడు అనిల్ రావిపూడి తర్వాత సినిమా ఏమిటనే దానిపై ప్రేక్షకుల్లో తీవ్ర ఆసక్తి నెలకొంది. ఈ నైపథ్యంలో ఆయన హీరో నితిన్ తో ఒక సినిమాను ప్లాన్ చేశారని, నితిన్ కథ విని ప్రాజెక్టును ఓకే చేసేశారని వార్తలొచ్చాయి. ఆ వార్తలు కొద్దిసేపటికే సోషల్ మీడియాలో హాట్ టాపిక్ గా మారిపోయాయి.
దీంతో దర్శకుడు రావిపూడి ఈ వార్తలపై స్పందిస్తూ ‘నా నెక్స్ట్ ప్రాజెక్ట్ ఫైనల్ అయితే నేనే స్వయంగా చెబుతాను. నేనింకా ఇంకా హీరోలకి కథ చెప్పాల్సి ఉంది. ఎలాంటి రూమర్లను నమ్మొద్దు’ అంటూ కొట్టిపారేశారు. మరి ఆయన ఏ హీరోకి కత చెప్పేను ఒప్పిస్తారో, అది ఎలా ఉండబోతోందో తెలియాలంటే ఇంకా కొంత సమయం ఎదురుచూడాల్సిందే. కమర్షియల్ అంశాలనే ఆధారంగా చేసుకుని ఫుల్ లెంగ్త్ ఎంటర్టైనర్లను అందించే అనిల్ రావిపూడి గతంలో ‘పటాస్, సుప్రీం’ వంటి హిట్లను అందించిన సంగతి తెలిసిందే.