1980లలో డిఫరెంట్ డిఫరెంట్ కామెడీ సినిమాలతో తెలుగు ప్రేక్షకులకు మెప్పించిన హీరో నటకిరీటి రాజేంద్ర ప్రసాద్. అలాంటి నటకిరీటి కెరీర్లో మైలురాయిగా నిలిచే సూపర్ హిట్ సినిమా ‘లేడీస్ డైరెక్టర్’. రొటీన్ సినిమా ఫార్మాట్ కి చాలా డిఫరెంట్ గా వచ్చిన ఈ సినిమాకి వంశీ డైరెక్టర్. వంశీ – రాజేంద్ర ప్రసాద్ కాంబినేషన్ లో వచ్చిన ఓ క్లాసిక్ సినిమా ఇది. ఇప్పుడు వంశీ ఈ సినిమాకి సీక్వెల్ ని చేసే పనిలో ఉన్నారు. ఆ సినిమాకి ‘ఫ్యాషన్ డిజైనర్ – సన్ ఆఫ్ లేడీస్ టైలర్’ అనే టైటిల్ ని కూడా ఖరారు చేసారు.
ఆలాగే ఈ సినిమాలో హీరోగా, రాజేంద్ర ప్రసాద్ తనయుడిగా యంగ్ హీరో రాజ్ తరుణ్ ని ఎంపిక చేసే పనిలో ఉన్నారు. రాజేంద్ర ప్రసాద్ కూడా ఈ సినిమాలో ఓ ముఖ్య పాత్రలో కనిపించనున్నాడు. అప్పట్లో ఆ సినిమాకి కథా సహకారం చేసిన తనికెళ్ళ భరణి చాలా రోజుల తర్వాత ఈ సీక్వెల్ కి కథని అందిస్తున్నాడు. అలాగే వంశీ సినిమాలను, కథలను అమితంగా ఇష్టపడే మధుర శ్రీధర్ ఈ సినిమాని తన ఓన్ బ్యానర్ లో నిర్మించడానికి సిద్దమయ్యాడు. అప్పట్లో డిఫరెంట్ కామెడీతో తెగ నవ్వించిన వంశీ ఈ సినిమాతో కూడా తెగ నవ్విస్తాడని సమాచారం.