గత కొన్ని రోజుల క్రితం వరకు నందమూరి నట సింహం బాలకృష్ణ టాపిక్ ఇండస్ట్రీ వర్గాల్లో హాట్ టాపిక్ అయిన సంగతి అందరికీ తెలిసిందే. అయితే ఇదే సమయంలో బాలయ్య పుట్టినరోజు కూడా దగ్గరకు వచ్చేస్తుంది. ఈ జూన్ 10 బాలయ్య పుట్టిన రోజు కావడంతో ఆ స్పెషల్ రోజున బాలయ్యతో పాడించిన ఒక పాటను ప్లాన్ చేశారన్న సంగతి అందరికీ తెలిసిందే.
అయితే మాములుగా మన స్టార్ హీరోల పుట్టినరోజు వస్తుంది అంటే అభిమానులు ఫస్ట్ లుక్ పోస్టర్ కోసం ఖచ్చితంగా ఎదురు చూస్తుంటారు. అలాగే ఈ సారి కూడా బాలయ్య,బోయపాటి శ్రీనుల నుంచి రాబోతున్న ఈ కొత్త సినిమా ఫస్ట్ లుక్ కూడా చూద్దామని ఉవ్విళూరుతున్నారు.
అయితే ఈ బర్త్ డే రోజున మాత్రం బాలయ్య ప్లాన్ మార్చినట్టు తెలుస్తుంది. దానికి బలమైన కారణమే ఉందట. ఈ చిత్రం కేవలం కొద్ది రోజులు మాత్రమే షూటింగ్ పూర్తి చేసుకున్నందున అప్పుడే ఫస్ట్ లుక్ పోస్టర్ ను రివీల్ చేసెయ్యడం సరికాదని అందుకే ఆపమన్నట్టుగా బాలయ్య సూచించినట్టు తెలుస్తుంది. మరి బాలయ్య మరోసారి పాడిన ఎలా ఉండనుందో చూడాలి.