Like us on Facebook
 
యూఎస్ లో రూ. 100 కోట్ల మార్క్ అందుకున్న ‘బాహుబలి-2’ !


‘బాహుబలి – ది కంక్లూజన్’ చిత్రం యొక్క దూకుడు ఏమాత్రం తగ్గడం లేదు. విడుదలైన ప్రతి చోట దాదాపు హౌస్ ఫుల్ కలెక్షన్లతో నడుస్తున్న ఈ సినిమా వసూళ్ల పరంగా ఊహకందని రికార్డుల్ని సృష్టిస్తోంది. ఇప్పటికే ఓవర్సీస్ మార్కెట్లో అన్ని ఇండియన్ సినిమాలు పాత రికార్డుల్ని బద్దలు కొట్టిన ఈ సినిమా ఈరోజుటితో ఇంకో సరికొత్త ఘనతను సొంతం చేసుకుంది.

విడుదలైన మొదటి వారం రోజులకు కలిపి 13. 08 మిలియన్ డాలర్లు అనగా రూ. 84. 5 కోట్ల పైగానే వసూలు చేసిన ఈ చిత్రం 8వ రోజు శుక్రవారం 8.28 లక్షల డాలర్లను, శనివారం నాడు 15. 1 లక్షల డాలర్లను రాబట్టి మొత్తంగా 15. 42 మిలియన్ల డాలర్లను అనగా రూ. 100 కోట్ల పై చిలుకు వసూళ్లను తన ఖాతాలో వేసుకుని ఓవర్సీస్లో సైతం 100 కోట్ల గ్రాస్ అందుకున్న మొట్ట మొదటి భారతీయ చిత్రంగా నిలిచింది.

Bookmark and Share