మాస్ ప్రేక్షకుల నాడిని పట్టుకుని సినిమాల్ని భారీ బ్లాక్ బస్టర్లుగా మలచగల సత్తా ఉన్న దర్శకుడు బోయపాటి శ్రీను. ఇప్పటి వరకు స్టార్ హీరోలతోనే సినిమాలు చేసిన ఆయన ఈసారి బెల్లంకొండ శ్రీనివాస్ హీరోగా ‘జయ జానకి నాయక’ ను తెరకెక్కించారు. ఈ శుక్రవారం రిలీజ్ కానున్న ఈ చిత్రం తప్పక హిట్టవుతుందని అంటున్న బోయపాటి పలు విశేషాల్ని మీడియాతో పంచుకున్నారు. ఆ విశేషాలు మీకోసం..
ప్ర) ‘జయ జానకి నాయక’ ఎలా ఉండబోతోంది ?
జ) ఇది ప్రతి ఒక్క ప్రేక్షకుడి గుండెను చేరే సినిమా అవుతుంది. ‘భద్ర’ తర్వాత అదే జానర్లో నేను చేసిన సినిమా. ఎన్నాళ్లగానో ఈ కథ చేయాలని అనుకున్నా. కానీ యాక్షన్ పంథాలోకి వెళ్లడం వలన చేయలేకపోయా. ఇప్పుడు శ్రీనివాస్ దొరకడంతో చేశా.
ప్ర) ఎప్పుడూ గంభీరమైన టైటిల్స్ పెట్టె మీరు ఈసారి సాఫ్ట్ టైటిల్ పెట్టారెందుకు ?
జ) అవును. ఈ టైటిల్ కొంచెం భిన్నంగా ఉంటుంది. కానీ కథకి కనెక్టై ఉంటుంది. సినిమా చూశాక టైటిల్ కరెక్టే అనిపిస్తుంది.
ప్ర)’సరైనోడు’ తర్వాత పెద్ద హీరోతో సినిమా చేయకుండా చిన్న హీరోతో చేయడమేమిటి ?
జ) ‘సరైనోడు’ ఒక జానర్ సినిమా. ఇదొక జానర్ సినిమా. నా ఇంతకు ముందు సినిమాలాటి పోల్చుకుని ఈ సినిమా ఒక పాయింట్ ఎక్కువగానే ఉటుంది తప్ప తగ్గదు. చిన్న హీరో కదా అని నా స్థాయికి తగ్గి సినిమా చేయను. డిస్ట్రిబ్యూటార్లకు నా సినిమా అంటే ఒక అంచనా ఉంటుంది. ఆ అంచనాలకు తగ్గట్టే ఈ సినిమా కూడా ఉంటుంది.
ప్ర) శ్రీనివాస్ తో ముందు ఒక ప్రాజెక్ట్ ఆగిపోయింది కదా అదీ ఇదీ ఒకటేనా ?
జ) లేదు. అది వేరే కథ. అది అప్పటి టైమ్ కి సరిపోయే కథ. ఇది ఇప్పటి టైమ్ కి సరిపోయే కథ.
ప్ర) మీ యాక్షన్ డోస్ ను శ్రీనివాస్ క్యారీ చేయగలడా ?
జ) నా సినిమాలో యాక్షన్ హీరోని బట్టే ఉంటుంది. ఎంత హెవీగా ఉన్నా అది హీరోలోనించే వస్తుంది. ఇందులో 24 ఏళ్ల కుర్రాడికి ఎలాంటి యాక్షన్ పెట్టాలో అదే పెట్టాం.
ప్ర) మూడు సినిమాలతో కలిసి వస్తోంది కదా ఏమైనా టెంక్షన్ ఉందా ?
జ) లేదు. ఎలాంటి టెంక్షన్ లేదు. ఎందుకంటే సినిమా అంత బాగా వచ్చింది కాబట్టి.
ప్ర) ఇన్తకు ముందు దేవిశ్రీతో ఇషయో జరిగింది. ఇప్పుడు జర్నీ ఎలా సాగింది ?
జ) దేవిశ్రీ నాకు చాలా మంచి ఫ్రెండ్. జర్నీలో అలాంటి చిన్న చిన్న ఎదురుదెబ్బలు సాధారణం. ఇప్పుడు అలాంటివి ఏమీ లేవు. ఈ సినిమాకి మంచి మ్యూజిక్ ఇచ్చాడు. కథలో నుండే పాటలు పుట్టాయి కనుక చాలా సులభంగా చేసేశాడు. బిజిఎం అయితే అదరగొట్టాడు.
ప్ర) మీ సినిమాలో యాక్షన్ తప్పనిసరి ఎందుకు ?
జ) అది నా సినిమా హెల్తీగా ఉంటుందని నా నమ్మకం. అందుకే యాక్షన్ ను వదలను. ఆ యాక్షన్ కూడా ఎమోషన్ తో కూడి ఉంటుంది. సీట్లలో కూర్చున్న ప్రేక్షకులు కొట్టాలి అంటేనే హీరో కొడతాడు. అంతలా జనానికి కనెక్టవుతుంది.
ప్ర) పెద్ద నటీనటుల్ని తీసుకున్నారు. శ్రీనివాస్ కోసమేనా ?
జ) లేదు. నా సినిమాలో ఎప్పుడూ స్టార్ కాస్ట్ ఉంటూనే ఉంటారు. అందరికీ కథలో ప్రాధాన్యముంటుంది. అంతేకానీ శ్రీనివాస్ కోసం కాదు.
ప్ర) భారీ బడ్జెట్ అయ్యుంటుంది కదా శ్రీనివాస్ తో అదంతా వెనక్కి వస్తుందా ?
జ) ఈ సినిమాలో స్టార్ హీరో లేడు. కానీ మంచి కథ ఉంది. అందుకే ఎలాంటి టెంక్షన్ప్ లేదు. ఇక డబ్బులు అంటారా డిస్ట్రిబ్యూటర్లంతా లెక్కలు వేసుకునే సినిమాను కొనుక్కున్నారు.
ప్ర) ఈ సినిమాలో మెసేజ్ ఏమైనా ఉంటుందా ?
జ) ఉంటుంది. నా ప్రతి సినిమాలోను సమాజానికి కావాల్సిన ఏదో ఒక మెసేజ్ ఇస్తాను. ఈ సినిమాలో కూడా ఇచ్చాను. సొసైటీకి మంచి చేయకపోయినా పర్వాలేదు చెడు చేయకుండా ఉంటే చాలు అని చెప్పాను.
ప్ర) సినిమాలో శ్రీనివాస్ పాత్ర ఎలా ఆకట్టుకుంటుంది ?
జ) సినిమా చూసిన వాళ్ళు శ్రీనివాస్ బాగా యాక్టింగ్ చేశాడు, బాగా ఫైట్స్ చేశాడు, డైలాగ్స్ చెప్పాడు అనరు. ఇలాంటి కుర్రాడు ఒకడు మన ఇంట్లో ఉంటే బాగుటుంది అంటారు.