‘అల్లుడు శీను’తో మాస్ కమర్షియల్ హిట్ కొట్టిన బెల్లంకొండ శ్రీనివాస్… తన తదుపరి సినిమాను బోయపాటి దర్శకత్వంలో చేస్తున్న సంగతి తెలిసిందే. ఫస్ట్ మూవీలో కొంచం సన్నగా, షార్ట్ హెయిర్ తో కనపడిన ఈ ఆరడుగుల అందగాడు బోయపాటి సినిమాలో నయా గెటప్ లో దర్శనం ఇవ్వనున్నాడు. ప్రస్తుతం జింలో కష్టపడుతూ కండలు పెంచుతున్నాడు. హెయిర్ స్టైల్ కూడా మారుస్తున్నాడు.
ఈ సినిమా గురించి దర్శకుడు బోయపాటి శ్రీను మాట్లాడుతూ.. బెల్లంకొండ శ్రీనివాస్ సినిమా స్క్రిప్ట్ రెడీ అయ్యింది. ఇది పూర్తిగా ప్రేమ కథ. నా స్టైల్ అఫ్ యాక్షన్ ఉంటుంది. ‘అల్లుడు శీను’కి, ఈ సినిమాకి బెల్లంకొండ శ్రీనివాస్ లో మార్పు స్పష్టంగా కనిపిస్తుంది. కొంచె బాడీ బిల్డప్ చేయమన్నాను. హెయిర్ స్టయిల్‌ కూడా చేంజ్ చేస్తున్నాం. కొంత సమయం పడుతుంది. దానికోసమే వెయిట్‌ చేస్తున్నా. త్వరలో షూటింగ్ స్టార్ట్ చేస్తాం. అని అన్నారు.