శ్రీకాంత్ అడ్డాల తన తరువాత సినిమాని పట్టాలెక్కించడానికి ముమ్మరంగానే ప్రయత్నాలు చేస్తున్నాడని.. ఈ క్రమంలోనే వరుణ్ తేజ్ కోసం ఒక కథ రాశాడని త్వరలోనే ఈ సినిమా ఉండొచ్చు అని, పైగా ఈ సినిమాని గీతా ఆర్ట్స్ నిర్మిస్తుందని రీసెంట్ గా వార్తలు వచ్చిన సంగతి తెలిసిందే. కానీ తాజాగా సినీ వర్గాల సమాచారం ప్రకారం ఈ వార్తలో నిజం లేదట. ప్రస్తుతం వరుణ్ బాక్సింగ్ నేపథ్యంలో ఒక సినిమా చేస్తున్నాడు. అలాగే ఓ మలయాళ సినిమాని కూడా రీమేక్ చేయాలని చూస్తున్నాడట. వరుణ్ ప్లానింగ్ చూస్తుంటే.. శ్రీకాంత్ అడ్డాల సినిమా అనేది ఇప్పట్లో ఉండేలా కనిపించట్లేదు.
ఏమైనా ఇండస్ట్రీలో హిట్ ఉన్నవాళ్ళకే డిమాండ్. అదే ఒక సినిమా పరాజయం పాలైతే, ఇక ఆ సినిమా దర్శకుడు ఎంత టాలెంటెడ్ అయినా సరే, తొందరగా అతనికి అంత తేలిగ్గా అవకాశాలు రావు. ‘కొత్త బంగారు లోకం’, ‘సీతమ్మ వాకిట్లో సిరిమల్లె చెట్టు’ లాంటి చక్కటి కుటుంబ కథా చిత్రాలను తీశాడు దర్శకుడు శ్రీకాంత్ అడ్డాల. ఈ టాలెంటెడ్ దర్శకుడికి మంచి ఫ్యామిలీ చిత్రాలు తీస్తాడనే మంచి పేరు ఉన్నా.. బ్రహ్మోత్సవం ప్లాప్ తరువాత శ్రీకాంత్ కి మాత్రం మరో సినిమా మొదలుపెట్టడానికి మూడు సంవత్సరాలు గ్యాప్ తీసుకోవాల్సి వచ్చింది. అయితే ఇంకా శ్రీకాంత్ అడ్డాల సినిమా సెట్ కాలేదు.