వెంకటేష్ సినిమాలో భారీ స్థాయి విజువల్ ఎఫెక్ట్స్ !


‘బాహుబలి’ తర్వాత తెలుగు పరిశ్రమలో సినిమాలు తీసే విధానం, ప్రేక్షకులు సినిమానౌ చూసే విధానం రెండు మారిపోయాయి. నిర్మాతలు తీస్తే విజువల్ ఎఫెక్ట్స్ తో భారీ సినిమాల్ని తీయాలనుకుంటుంటే ఆడియన్స్ చూస్తే బాహుబలి లాంటి సినిమాల్నే చూడాలనుకుంటున్నారు. ప్రస్తుతం ఈ బాటలోనే విక్టరీ వెంకటేష్ సినిమాకు బాటలు పడుతున్నాయి. నూతన దర్శకుడు ఒకరు చెప్పిన కథ నచ్చడంతో ప్రస్తుతం సురేష్ ప్రొడక్షన్స్ ఆ సినిమాపై వర్క్ చేస్తోంది.

థ్రిల్లర్ జానర్లో ఉండనున్న ఈ సినిమా యానిమల్ బేస్డ్ మూవీగా ఉంటుందని, అందులో భారీ స్థాయి విజువల్ ఎఫెక్ట్స్ ఉంటయాని సురేష్ బాబు ఒక ప్రెస్ మీట్లో అన్నారు. గత నాలుగైదు నెలలుగా ఆ ప్రాజెక్ట్ మీద పనిచేస్తున్నామని కానీ సినిమాను ఎలా తీయాలనే పూర్తి క్లారిటీ రాలేదని, అందుకు కారణం తనకు విజువల్ ఎఫెక్ట్స్ మీద పూర్తి అవగాహనలేకపోవడమేనని, ఒకసారి ఐడియా వచ్చాక చేస్తాన్నని, అలాగే వెంకటేష్, రానాలతో కలిపి భారీ సినిమాలే చేస్తానని అన్నారు.

 





Like us on Facebook