తమిళ స్టార్ హీరో విజయ్ హీరోగా, అందాల భామ సమంత హీరోయిన్ గా నటించిన సినిమా ‘కత్తి’. ఈ సినిమా దీపావళి కానుకగా రేపు విడుదల కావాల్సి ఉంది. కానీ గత మూడు రోజులుగా ఈ సినిమా రిలీజ్ విషయంలో ఓ గందరగోళం నెలకొంది. ఈ సినిమా నిర్మాతలలో ఒకరైన లైకా ప్రొడక్షన్ వారు శ్రీ లంకకి చెందిన వారు కావడం వలన ముందుగా రిలీజ్ ఆపేయాలని గవర్నమెంట్ డిమాండ్ చేసింది.
ఫైనల్ గా నిర్మాతలు – థియేటర్ ఓనర్స్ – గవర్నమెంట్ అధికారులంతా కూర్చొని చర్చించిన తర్వాత నిర్మాతలు లైకా ప్రొడక్షన్స్ వారికి అంతా సెటిల్ చేసి వారి లోగోని తొలగించడానికి సిద్దమయ్యారు. దాంతో సినిమా రిలీజ్ కి గ్రీన్ సిగ్నల్ వచ్చింది. షో వెయ్యకూడదని పోలీసులు కూడా ఈ సమస్య క్లియర్ అయ్యేంత వరకూ థియేటర్ దగ్గర ఉన్నారు. కానీ గవర్నమెంట్ నుంచి గ్రీన్ సిగ్నల్ రావడంతో అభిమానులో ఆనందంలో మునిగిపోయారు. ఎఆర్ మురుగదాస్ డైరెక్ట్ చేసిన హై వోల్టేజ్ ఎంటర్టైనర్ కి అనిరుధ్ మ్యూజిక్ అందించాడు.