మరో నెల పాటు అహ్మదాబాద్ లోనే మహేష్ !

Mahesh-Babu
సూపర్ స్టార్ మహేష్ బాబు, డైరెక్టర్ మురుగదాస్ ల కాంబినేషన్లో వస్తున్న చిత్రం ఇప్పటికే చెన్నై, హైదరాబాద్ లలో షెడ్యూళ్ళు పూర్తి చేసుకుని ఈరోజు అహ్మదాబాద్ వెళ్లనుంది. ఈ షెడ్యూల్ ఈరోజే లేదా రేపు మొదలుకానుండగా మహేష్ బాబు మాత్రం 27 వ తేదీ నుండి షూటింగ్లో పాల్గొంటారని తెలుస్తోంది. సుమారు నెల రోజుల పాటు జరగనున్న ఈ షెడ్యూల్ లో కొన్ని కీలకమైన, యాక్షన్ సన్నివేశాలను చిత్రీకరిస్తారని తెలుస్తోంది. ఈ నెల రోజుల్లో కొన్ని రోజులు పూణేలో కూడా షూటింగ్ జరుగుతుందట.

మొదటి రెండు షెడ్యూళ్ళు పూర్తైన తరువాత లొకేషన్స్ కోసం మురుగదాస్ టీమ్ చాలా కష్టపడి గుజరాత్ లోని ఈ అహ్మదాబాద్ ను సెలెక్ట్ చేసుకున్నారు. ఎన్.వి.ప్రసాద్, ఠాగూర్ మధు భారీ బడ్జెట్‍తో తెరకెక్కిస్తోన్న ఈ సినిమాపై ఇప్పటికే అంచనాలన్నీ తారాస్థాయిలో ఉన్నాయి. మహేష్సరసన రకుల్ హీరోయిన్‌గా నటిస్తుండగా ఎస్.జె.సూర్య విలన్‌గా నటిస్తున్నాడు. మహేష్ కెరీర్లోనే భారీ బడ్జెట్ తో రూపొందుతున్నఈ చిత్రాన్ని వచ్చే సంవత్సరం జూన్ లో విడుదల చేయాలని ప్లాన్ చేస్తున్నారు.

Bookmark and Share