ప్రమోషన్లు మొదలుపెట్టనున్న మహేష్ !
Published on Apr 16, 2018 12:37 pm IST


సూపర్ స్టార్ మహేష్ బాబు తాజా చిత్రం ‘భరత్ అనే నేను’ ఈ నెల 20న విడుదలకానున్న సంగతి తెలిసిందే. ఇప్పటికే అన్ని పనులు పూర్తికాగా రేపటి నుండి పూర్తిస్థాయి ప్రమోషన్లు మొదలుపెట్టనున్నారు టీమ్. ప్రస్తుతం కుటుంబంతో కలిసి హాలీడే ట్రిప్ ఎంజాయ్ చేస్తున్న మహేష్ ఈ ప్రచార కార్యక్రమాల్లో పాల్గొనేందుకు రేపే పారిస్ నుండి హైదరాబాద్ తిరిగిరానున్నారు.

గతంలో మహేష్ తో బ్లాక్ బస్టర్ ‘శ్రీమంతుడు’ను రూపొందించిన కొరటాల శివ ఈ చిత్రాన్ని డైరెక్ట్ చేయడం, టీజర్, ట్రైలర్, ఆడియో అన్నీ బాగుండటంతో చిత్రంపై భారీస్థాయి అంచనాలు నెలకొన్నాయి. ఇక ఓవర్సీస్లో కూడ మహేష్ సినిమాలకు విపరీతమైన క్రేజ్ ఉండటంతో అక్కడి డిస్ట్రిబ్యూటర్లు 2000ల ప్రీమియర్ షోలను ప్లాన్ చేశారు.

 
Like us on Facebook