ప్రస్తుతం హిట్స్ లేదా ఫ్లాప్స్ తో సంబంధం లేకుండా వరుస సినిమాలతో, తన సినిమాల విషయంలో పలు వివాదాలు క్రియేట్ చేస్తూ సెన్సేషన్ క్రియేట్ చేసే డైరెక్టర్ రామ్ గోపాల్ వర్మ. రామ్ గోపాల్ వర్మ మంచు విష్ణు హీరోగా ఓ సినిమా చేస్తున్నాడు. ఈ సినిమా షూటింగ్ దాదాపు పూర్తయ్యింది. గత కొన్ని రోజులుగా ఈ సినిమా టైటిల్ ‘టెన్షన్ టెన్షన్’ లేదా ’12’ అంటూ రకరకాల వార్తలు వచ్చాయి.
కానీ నేటితో ఆ వార్తలకి తెరపడింది. ఫైనల్ గా వర్మ సినిమాకి ‘అనుక్షణం’ అనే టైటిల్ ని ఖరారు చేసారు. ‘అమ్మాయిలూ జాగ్రత్త’ అనేది ఈ సినిమాకి ఉపశీర్షిక. సస్పెన్స్ థ్రిల్లర్ గా తెరకెక్కుతున్న ఈ సినిమాలో మంచు విష్ణు సరసన తేజస్వి నటిస్తుండగా, మధు శాలిని ఓ జర్నలిస్ట్ పాత్రలో కనిపించనుంది. గతంలో విష్ణు – వర్మ కాంబినేషన్లో ‘రౌడీ’ సినిమా వచ్చింది. ఆ సినిమాలో విష్ణు నటనకి మంచి మార్కులు పడ్డాయి. వీరిద్దరూ మళ్ళీ అదే మేజిక్ ని రిపీట్ చేస్తారని ఆశిస్తున్నారు.