గోపీచంద్ ప్రస్తుతం పంతం సినిమాలో నటిస్తున్నాడు. ఈ ఏడాది మేలో ఈ సినిమా విడుదల కానుంది. చక్రి ఈ సినిమా ద్వారా దర్శకుడిగా పరిచయం కానున్నాడు. గోపి సుందర్ సంగీతం అందిస్తోన్న ఈ మూవీ లో మెహరిన్ హీరోయిన్ గా నటిస్తోంది. గోపీచంద్ చేస్తోన్న 25వ సినిమా ఇదే అవ్వడం విశేషం. ఈ సినిమా తరువాత గోపీచంద్ బివిఎస్ఎన్ ప్రసాద్ నిర్మాణంలో ఒక సినిమా చెయ్యబోతున్నాడు. ఈ సినిమాకు సంతోష్ శ్రీనివాస్ దర్శకత్వం వహించబోతున్నాడు.
తాజాగా గోపీచంద్ బొమ్మరిల్లు భాస్కర్ తో సినిమా చెయ్యబోతున్నట్లు వార్తలు వస్తున్నాయి. కాని ఆ న్యూస్ లో నిజం లేదని తెలుస్తోంది. సంతోష్ శ్రీనివాస్, గోపీచంద్ సినిమా ఉగాది రోజున ప్రారంభం అయ్యే అవకాశాలు ఉన్నట్లు గోపీచంద్ దగ్గరి సన్నిహితులు చెబుతున్నారు. ఇంతవరుకు బొమ్మరిల్లు భాస్కర్ గోపీచంద్ ను కలవడం కూడా జరగలేదని తెలుస్తోంది.