‘వినాయకుడు’ ‘విలేజ్ లో వినాయకుడు’, ‘కుదిరితే కప్పు కాఫీ’ సినిమాల ద్వారా తెలుగు ప్రేక్షకులకు పరిచయమున్న మహి దర్శకుడిగా పరిచయమవుతూ చేసిన సినిమా ‘పాఠశాల’. ఈ సినిమా ట్రైలర్ ని ఇటీవలే అధికారికంగా లాంచ్ చేసారు. ఈ ట్రైలర్ కి యువత నుండి మంచి రెస్పాన్స్ వస్తోంది. తాజాగా ఈ సినిమాని అక్టోబర్ 2న రిలీజ్ చేయనున్నట్లు ఈ చిత్ర టీం తెలియజేసింది.
నూతన నటీనటుల నటన, ఫ్రెష్ కాన్సెప్ట్, ఫీల్ గుడ్ మ్యూజిక్ ఈ సినిమాకి ప్రధాన హైలైట్ అవుతుందని ఈ చిత్ర టీం అంటోంది. ఇంజనీరింగ్ పూర్తి చేసుకున్న ఓ ఐదుగురు ఫ్రెండ్స్ ప్రయాణమే ఈ సినిమా. ట్రైలర్లో వచ్చే వన్ లైన్ డైలాగ్స్ కూడా అందరినీ ఆకట్టుకుంటున్నాయి. హిందీలో వచ్చిన దిల్ చాహతా హై, జిందగీ నా మిలేగా దోబారా లాగా రోడ్ జర్నీ సినిమా తెలుగులో రావడం ఇదే ప్రధమం అని చెప్పుకోవాలి.