నందమూరి బాలకృష్ణ 101వ చిత్రం ‘పైసా వసూల్’ పై అభిమానుల్లో, ప్రేక్షకుల్లో తారా స్థాయి అంచనాలు మాత్రమే కాక ఒక ప్రత్యేకమైన ఆసక్తి కూడా ఉంది. ఎందుకంటే అప్పటి వరకు ఊహకు కూడా రాని విధంగా డాషింగ్ డైరెక్టర్ పూరి జగన్నాథ్ ఆ సినిమానౌ డైరెక్ట్ చేస్తున్నారు కాబట్టి. రెండు విభిన్న శైలిలు కలిగిన ఈ ఇద్దరు వ్యక్తులు కలిస్తే ఎలాంటి ఔట్ ఫుట్ బయటికొస్తుందో చూడాలని అందరూ ఆతురతగా వెయిట్ చేస్తున్నారు.
అందుకు తగ్గట్టే విడుదలైన ఫస్ట్ లుక్ కూడా విశేషంగా ఆకట్టుకుంటోంది. ఇక సినిమా గురించి ఇంకాస్త తెలిసేలా ఈ నెల 28 ఉదయం 10 గంటల 13 నిముషాలకు ‘పైసా వసూల్’ స్టంపర్ పేరుతో ఒక వీడియోను రిలీజ్ చేస్తున్నారు. టీజర్, ట్రైలర్లకు భిన్నంగా ఉండే ఈ స్టంపర్ చూస్తే సినిమా ఎలా ఉండబోతోందో అర్థమైపోతుందట. ఇక సినిమాలో పవర్ ఫుల్ డైలాగ్స్, పాటలు, డ్యాన్సులు, యాక్షన్ సన్నివేశాలు ఇలా బాలకృష్ణ నుండి అభిమానులు కోరుకునే ప్రతి అంశం ఉంటుందని పూరి అంటున్నారు. అనూప్ రూబెన్స్ సంగీతం అందిస్తున్న ఈ చిత్రాన్ని సెప్టెంబర్ 29న రిలీజ్ చేయనున్నారు.