పవన్ కళ్యాణ్‌కు హీరోయిన్ దొరికేసింది..!

nayanatara
పవర్ స్టార్ పవన్ కళ్యాణ్ సినిమాల జోరు పెంచిన విషయం తెలిసిందే. ఆయన హీరోగా నటిస్తోన్న 22వ సినిమా కాటమరాయుడు సెట్స్‌పై ఉండగానే, నిన్ననే 23వ సినిమా కూడా మొదలుపెట్టేశారు. ఆర్.టీ. నేసన్ దర్శకత్వంలో తెరకెక్కనున్న ఈ సినిమాకు సంబంధించి స్క్రిప్ట్ ఇప్పటికే దాదాపుగా పూర్తి కాగా, టీమ్ క్యాస్టింగ్ ప్రక్రియ మొదలుపెట్టిందట. పవన్ సరసన హీరోయిన్‌గా నయనతారను సంప్రదించినట్లు తెలుస్తోంది. నయనతార కూడా ఈ సినిమాకు దాదాపుగా ఓకే చెప్పేశారట.

అజిత్ హీరోగా రూపొంది, మంచి విజయం సాధించిన ‘వేదాళం’కి రీమేక్‌గా తెరకెక్కనున్న ఈ సినిమాకు ఏ.ఎం. రత్నం నిర్మాత. కాటమ రాయుడు సినిమా పూర్తవ్వగానే పవన్ 23వ సినిమా సెట్స్‌పైకి వెళ్ళనుంది. అదేవిధంగా పవన్, నయనతారతో పాటుగా సినిమాకు కీలకమైన మరో పాత్రలో ఓ యువ హీరోయిన్ నటించనున్నారని సమాచారం.

Bookmark and Share