మాస్ మహారాజ రవితేజ నటించిన ‘రాజా ది గ్రేట్’ చిత్రం నిన్ననే ప్రేక్షకులముందుకొచ్చింది. చాలా రోజుల తర్వాత రవితేజ నుండి వచ్చిన సినిమా కావడంతో ఈ సినిమాపై ప్రేక్షకులు ఎక్కువ ఆసక్తి చూపించారు. దీంతో సినిమా మొదటిరోజు మంచి ఓపెనింగ్స్ రాబట్టింది. ట్రేడ్ వర్గాల లెక్కలు ప్రకారం ఈ సినిమా తెలుగు రాష్ట్రాల్లో సుమారు రూ.5 కోట్ల పైగానే షేర్ ను వసూలు చేసినట్టు తెలుస్తోంది.

ఇక ప్రపంచవ్యాప్తంగా వసూలైన గ్రాస్ ను చూస్తే రూ.10 కోట్ల వరకు ఉంటుందని అంచనా. ఇక వేరే పెద్ద సినిమాలు లేకపోవడం, ఈరోజు దీపావళి కావడంతో తెలుగు రాష్ట్రాల్లో ఈ వసూళ్ల జోరు ఇలానే కొనసాగే అవకాశముంది.