పవన్ కళ్యాణ్ మాజీ భార్య రేణు దేశాయ్ ప్రస్తుతం తన పిల్లల తో పూణేలో ఉంటున్నారు. పవన్ నుంచి విడిపోయాక కూడా ఆమె సినిమాల పై ఉన్న ఫ్యాషన్ ని మాత్రం వదులుకోలేదు. ఆ మధ్యన రేణు దేశాయ్ ఓ చిత్రానికి దర్శకత్వం కూడా వహించారు. కాగా బుల్లి తెరపై రేణు దేశాయ్ ఎంట్రీ ఖాయం అయింది. ప్రస్తుతం సినీ తారలంతా బుల్లి తెరపై హోస్ట్ లుగా మారుతున్న విషయం తెలిసిందే. రేణు కూడా ఓ రియాలిటీ షోకి హోస్ట్ గా వ్యవహరించనున్నారు.
ప్రముఖ తెలుగు ఛానల్ ‘స్టార్ మా’ లో ప్రస్తుతం ఎన్టీఆర్ హోస్ట్ గా బిగ్ బాస్ షో సాగుతోంది. ఈ సీజన్ పూర్తయ్యాక ‘స్టార్ మా’ మరో షోకి ప్లాన్ చేసింది. బిగ్ రియాలిటీ డాన్స్ షో పేరుతో ఈ కార్యక్రమాన్ని నిర్వహించనుంది. ఈ షోకి రేణు దేశాయ్ హోస్ట్ గా వ్యవహరించనున్నారు. రేణు హోస్ట్ గా వ్యవహరించనున్న ఈ డాన్స్ షో పై అంతా ఆసక్తిగా ఉన్నారు.