చక్రవాకం, మొగలి రేకులు టివి సీరియల్స్ రేపిన సంచలనం మాములుగా లేదు. ఈ సీరియల్స్ తో మంచి ఇమేజ్ తెచ్చుకున్నాడు నటుడు సాగర్. ఆ తరువాత పలు టివి సీరియల్స్ లో నటించిన సాగర్ హీరోగా ”మాన్ అఫ్ ది మ్యాచ్” సినిమాతో ఎంట్రీ ఇచ్చాడు. ఆ సినిమా తరువాత సాగర్ హీరోగా నటిస్తున్న తాజా చిత్రం ”సిద్దార్థ”. కేవీ దయానంద్ రెడ్డి దర్శకత్వంలో రామదూత క్రియేషన్స్ పతాకం పై దాసరి కిరణ్ కుమార్ నిర్మిస్తున్న ఈ చిత్రం షూటింగ్ పూర్తీ చేసుకుని విడుదలకు సిద్ధం అయింది. రాగిణి నంద్విని హీరోయిన్, ఈ రోజు సాగర్ పుట్టినరోజు సందర్బంగా హీరో సాగర్ చెప్పిన విశేషాలు …
1, ఇంతకీ సిద్దార్థ కథ ఏమిటి ?
ఫ్యాక్షన్ బ్యాక్ డ్రాప్ లో సాగే లవ్ స్టోరీ. ఇందులో నేను రాయల సీమలో ఉండే కుర్రాడిగా కనిపిస్తాను, కథ రాయల సీమలో మొదలయిన కూడా అది మలేషియాకు టర్న్ అవుతుంది. మాస్, యాక్షన్ లవ్ అన్ని అంశాలతో తెరకెక్కిన ఈ సినిమాలో అసలు పాయింట్ ఏమిటన్నది తెరమీద చూస్తేనే బాగుంటుంది.
ఎక్కువ సమయం పట్టలేదు ..
2, సినిమా కోసం చాలా రోజులు పట్టినట్టుంది ?
ఈ సినిమా ప్రచారం మొదలు పెట్టి దాదాపు ఏడాది అవుతుంది. అంతే కానీ ఎప్పుడో మొదలు పెట్టిన సినిమా కాదు. చివరి షెడ్యూల్ ఈ మద్యే చిత్రీకరించాం. ఈ నెల చివర్లో పాటలను విడుదల చేసి, చిత్రాన్ని సెప్టెంబర్ లో రిలీజ్ చేస్తాం.
3, టివికి, సినిమాకు గల తేడా ఏమైనా ఉందా ?
నేను టివి రంగంనుండి సినిమాల్లోకి వచ్చిన వాడిని, నటన విషయంలో టివికి , సినిమాకు పెద్దగా తేడా ఏమి ఉండదు. సీరియల్ లో అయితే లాంగ్ టర్మ్ నటించాలి, కానీ సినిమాలో అలా కాదు.
4, ఈ సినిమాలో హైలెట్స్ ఏమిటి ?
ఈ సినిమాకు ఇంద్ర, నరసింహ నాయుడు వంటి భారీ సినిమాలను పనిచేసిన టీమ్ పనిచేయడం చాలా అదృష్టాంగా ఉంది. ఎందుకంటే .. మణిశర్మ సంగీతం, పరుచూరి బ్రదర్స్ మాటలు, ఇక ఎస్ గోపాల్ రెడ్డి గారి ఫోటోగ్రఫీ, నిజంగా ఇలాంటి హై టెక్నీకల్ టీమ్ ను ఈ సినిమాకు సెట్ చేసినందుకు మా నిర్మాత దాసరి కిరణ్ కుమార్ కు థాంక్స్ చెప్పాలి. సినిమా మొత్తం చాల గ్రాండియర్ గా ఉంటుంది.
5, హీరో అవ్వడానికి ఇంత కాలం పట్టింది కారణం ?
కరీంనగర్ దగ్గరలోకి ఎన్టీపిసిలో నాన్న పనిచేసేవాడు, అక్కడే టెన్త్ వరకు చదువుకున్నాను, ఆ తరువాత ఇంటర్, డిగ్రీ .. గుంటూరులో చదివా, ఇక ఎంఎస్సి కంప్యూటర్స్ సైన్స్ హైద్రాబాద్ లోనే చేశా. నటనపై ఉన్న ఆసక్తి తో మధు ఫిలిం ఇనిస్టిట్యూట్ లో చేరా. ఆ తరువాత మూడు, నాలుగు ఏళ్ళు అవకాశల కోసం సృగుల్స్ పడ్డా, ఇక లాభం లేదు .. సాఫ్ట్ వెర్ సైడ్ వెళదాం అనుకున్న సమయంలో చక్రవాకం సీరియల్ లో ఛాన్స్ వచ్చింది, అలా కెరీర్ స్టార్ట్ అయింది.. కానీ నేను ఎప్పుడు హీరో అవ్వాలని అనుకోలేదు.
6, ఇకపై సినిమాల్లోనే చేస్తారా, లేదా టీవీలోనే నా ?
ఇప్పుడు సినిమాలపైనే దృష్టి పెట్టాలని అనుకుంటున్నాను. అవకాశం వచ్చినప్పుడు సీరియల్స్ చేస్తా,. అలాగే టివి రంగం కోసం ఓ ప్రొడక్షన్ కంపెనీ కూడా పెట్టాలని ఉంది. దాంట్లో సీరియల్స్ నిర్మిస్తా .. ఇక హీరోగానే కాకుండా ఇతర సినిమాల్లో మంచి పాత్రలొస్తే .. తప్పకుండా చేస్తా.
7, మొత్తానికి సిద్దార్థ్ గురించి ఎం చెబుతారు ?
అన్ని రకాల కమర్షియల్ అంశాలతో ఉన్న సినిమా ఇది. తప్పకుండా నా కెరీర్ కు బ్రేక్ ఇస్తుందని అనుకుంటున్నాను. మా నిర్మాత కిరణ్ కుమార్ ఎక్కడ కంప్రమైస్ కాకుండా చిత్రాన్ని నిర్మిస్తున్నాడు. సెప్టెంబర్ లో ఈ చిత్రాన్ని విడుదల చేస్తాం.
8, నెక్స్ట్ ప్రాజెక్ట్స్ ?
ప్రస్తుతానికి ఈ సినిమా పైనే ఫోకస్ పెట్టాను. ఈ సినిమా విడుదల తరువాత చెబుతా.