హీరోయిన్ రెజీనా కెసాండ్రా ప్రస్తుతం మిస్టర్ చంద్రమౌళి అనే ఒక తమిళ చిత్రంలో నటిస్తున్న విషయం తెలిసిందే. ఈ చిత్ర ఆడియో ఈవెంట్ నేడు చెన్నైలో చిత్ర యూనిట్ సమక్షంలో ఎంతో అంగరంగ వైభవంగా జరిగింది. ఇక్కడ ఒక గమ్మత్తైన విషయం ఏమిటంటే ఈ చిత్రం ద్వారా హీరో సూర్య సోదరి బృంద సింగర్ గా తమిళ ఇండస్ట్రీకి పరిచయమవుతున్నారు.
ఒకప్పటిసీనియర్ హీరో కార్తీక్, ఆయన తనయుడు గౌతమ్ కార్తీక్ కలిసి ఈ చిత్రంలో నటించిన ఒకపాటను ఆమె పాడారు. అలానే సిఎస్ సామ్ సంగీతం అందించి, విద్య దామోదరన్ రాసిన ఈ చిత్ర టైటిల్ ట్రాక్ ని కూడా ఆమె పాడారట. ఇది నిజంగా హీరోలు సూర్య, కార్తీ గర్వపడవలసిన విషయమని, ఎందుకంటే మరొక మంచి టాలెంటెడ్ సింగర్ తమ సోదరి రూపంలో తమిళ పరిశ్రమలోకి అడుగుపెడుతున్నందుకు ఆనందంగా ఉందని అంటున్నారు చిత్ర యూనిట్….