తమన్నా’షో’కి రెడీ అవుతోంది !

తమన్నా’షో’కి రెడీ అవుతోంది !

Published on Sep 28, 2020 9:13 AM IST

మిల్క్ బ్యూటీ తమన్నా చివరకు తిరిగి షూట్ లో పాల్గొంది. ప్రస్తుతం ఆమె కొన్ని యాడ్ ఫిల్మ్‌ ల షూటింగ్‌ లో ఉంది. అలాగే త్వరలో ఫిల్మ్ షూటింగ్‌ లో కూడా పాల్గొననుంది. అలాగే తనలోని మాటకారితో అహాలో వచ్చే ఓ షో ద్వారా తెలుగు ప్రేక్షకులను అల‌రించ‌డానికి రెడీ అవ్వనుంది. ప్రస్తుతం ఓటీటీల‌కు ఆద‌ర‌ణ పెరుగుతున్న నేపథ్యంలో అల్లు అర‌వింద్‌ తన అహా కోసం త‌మ‌న్నాతో ఓ టాక్ షోను ప్లాన్ చేయబోతున్నాడని ఇప్పటికే వార్తలు వచ్చాయి. అయితే తాజాగా సినీ వర్గాల సమాచారం ప్రకారం వచ్చే ఈ టాక్ షో షూటింగ్ త్వరలో మొదలుకానుంది.

దసరా నుండి స్పెషల్ గా టెలికాస్ట్ అవుతుందట. కాగా తమన్నా హోస్ట్‌గా ఈ షో ఏ రేంజ్ లో హిట్ అవుతుందో చూడాలి. అలాగే అభిమానుల‌లకు కిక్ ఇచ్చేలా షోకి తమన్నా ఏ రేంజ్ లో క్రేజ్ తీసుకువస్తోందో కూడా చూడాలి. ఈ టాక్ షోలో అల్లు అర్జున్, రామ్ చ‌ర‌ణ్‌, రానా దంపతులు, ర‌వితేజ త‌దిత‌ర స్టార్ హీరోల‌తో పాటు హీరోయిన్లు కూడా పాల్గొనబోతున్నారని అప్పుడే రూమర్స్ కూడా వినిపిస్తున్నాయి. మరి తమన్నా త‌న ప్ర‌శ్న‌ల‌తో షోను ఎంతవరకు ర‌క్తి క‌ట్టిస్తుందో మరి.

సంబంధిత సమాచారం

తాజా వార్తలు