హీరో నితిన్ తన అభిమాన హీరో పవన్ కళ్యాణ్ నిర్మాణంలో ఒక సినిమా చేస్తున్న సంగతి తెలిసిందే. పవన్ కళ్యాణ్ క్రియేటివ్ వర్క్స్, నితిన్ యొక్క శ్రేష్ట్ మూవీస్ సంయుక్తంగా ఈ చిత్రాన్ని నిర్మిస్తున్నాయి. ‘రౌడీ ఫెలో’ తో దర్శకుడిగా మారిన పాతాళ రచయిత కృష్ణ చైతన్య ఈ సినిమాను డైరెక్ట్ చేస్తున్నారు.
జూలై 24న మొదలైన ఈ చిత్ర రెగ్యులర్ షూటింగ్ ప్రస్తుతం ఊటీలో జరుగుతోంది. నితిన్, హీరోయిన్ మేఘా ఆకాష్ లపై కీలక సన్నివేశాలను చిత్రీకరిస్తున్నారు. పవన్ కు అత్యంత సన్నిహితుడు, దర్శకుడు త్రివిక్రమ్ శ్రీనివాస్ ఈ చిత్రానికి కథను అందించగా ఎస్. ఎస్ థమన్ సంగీతాన్ని అందిస్తున్నారు. పవన్, నితిన్ లు కలిసి చేస్తున్న మొదటి ప్రాజెక్ట్ కావడం, ఇందులో త్రివిక్రమ్ హస్తం కూడా ఉండటంతో ప్రాజెక్ట్ పై ప్రేక్షకుల్లో మంచి క్రేజ్ నెలకొని ఉంది.