మాస్ మహారాజ రవితేజ కెరీర్లో మైలు రాయిగా నిలిచి పోయే సినిమా ‘కిక్’. నందమూరి యంగ్ హీరో కళ్యాణ్ రామ్ ఎన్.టి.ఆర్ ఆర్ట్స్ బ్యానర్ పై కిక్ కి సీక్వెల్ గా ‘కిక్ 2’ ని నిర్మిస్తున్నారు. ఇటీవలే లాంఛనంగా ప్రారంభమైన ఈ సినిమాకి ప్రస్తుతం సెట్స్ పై ఉంది.
ఇటీవలే ఈ సినిమాలో హీరోయిన్ పాత్ర కోసం రకుల్ ప్రీత్ సింగ్ ని పరిశీలిస్తున్నారని తెలియజేశాం. తాజాగా ఈ చిత్ర టీం కిక్ 2 లో హీరోయిన్ గా రకుల్ ప్రీత్ సింగ్ ని ఫైనలైజ్ చేసినట్లు తెలిపారు. ఇప్పటికే పలు క్రేజీ ప్రాజెక్ట్స్ చేస్తున్నన రకుల్ ప్రీత్ సింగ్ ఈ సినిమా ఆఫర్ తో టాలీవుడ్ మోస్ట్ వాంటెడ్ హీరోయిన్ గా మారిపోయింది.
సురేందర్ రెడ్డి దర్శకత్వం వహించనున్న ఈ సినిమాకి కథ – మాటలు వక్కంతం వంశీ అందిస్తున్నాడు. కిక్ తెలుగు బ్లాక్ బస్టర్ హిట్ అవ్వడంతో కిక్ 2 పై అప్పుడే అంచనాలు పెరిగిపోయాయి. కిక్ సినిమా ఒక్క తెలుగులోనే కాకుండా తమిళం, హిందీలో కూడా రీమేక్ అయ్యి పెద్ద విజయాన్ని అందుకుంది.
