మన ఇంట్లో కుర్రాడిలా తెలుగు ప్రేక్షకుల మదిలో చోటు సంపాదించుకున్న యంగ్ హీరో నాని మళ్ళీ కెరీర్ లో వరుస సినిమాలతో బిజీ అయ్యాడు. ఇటీవలే రిలీజ్ అయిన ‘ఎవడే సుబ్రహ్మణ్యం’, ‘జెండా పై కపిరాజు’ సినిమాలతో కమర్షియల్ గా సక్సెస్ అందుకున్నాడు. ఈ రెండు సినిమాల సక్సెస్ ఇచ్చిన బూస్టప్ తో నాని కెరీర్ ని స్పీడప్ చేసాడు. ప్రస్తుతం నాని మారుతి డైరెక్షన్ లో చేస్తున్న సినిమా ‘భలే భలే మగాడివోయ్’.
నాని ఈ సినిమా షూటింగ్ ని శరవేగంగా పూర్తి చేస్తున్నాడు. ఏ మాత్రం గ్యాప్ లేల్కుండా కంటిన్యూగా షూటింగ్ జరుపుకుంటున్న ఈ మూవీ లేటెస్ట్ షెడ్యూల్ హైదరాబాద్ లో జరుగుతోంది. ఇందులో నాని సరసన అందాల రాక్షసి అనిపించుకున్న లావణ్య త్రిపాటి హీరోయిన్ గా నటిస్తోంది. గీత ఆర్ట్స్ 2 బ్యానర్ – యువి క్రియేషన్స్ కలిసి ఈ సినిమాని నిర్మిస్తున్నారు. ఈ సినిమా పూర్తి కాగానే నాని హను రాఘవాపూడి డైరెక్షన్ లో 14 రీల్స్ ఎంటర్టైన్మెంట్ బ్యానర్ లో చేయనున్న సినిమాని సెట్స్ పైకి తీసుకెళ్లనున్నాడు.
