తమిళ హీరో ప్రదీప్ రంగనాథన్ తెలుగులోనూ మంచి క్రేజ్ ఉన్న యాక్టర్గా మారాడు. ఆయన నటిస్తున్న లేటెస్ట్ రొమాంటిక్ డ్రామా ‘లవ్ ఇన్సూరెన్స్ కంపెనీ’ (LIK) విడుదలకు సిద్ధమైంది. ఇప్పటికే పలుమార్లు వాయిదా పడిన ఈ సినిమాను ఏప్రిల్ 10, 2026న ప్రపంచవ్యాప్తంగా విడుదల చేయనున్నట్లు మేకర్స్ ప్రకటించారు. విఘ్నేష్ శివన్ దర్శకత్వంలో రూపొందిన ఈ సినిమాలో కృతి శెట్టి హీరోయిన్గా నటిస్తోంది.
ఇక తాజా సమాచారం ప్రకారం ఈ సినిమా సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ బోర్డు U/A సర్టిఫికేట్ జారీ చేసింది. ఈ చిత్ర రన్టైమ్ను 2 గంటల 36 నిమిషాలుగా లాక్ చేశారు మేకర్స్. ఒక రొమాంటిక్ డ్రామాకు ఇది పర్ఫెక్ట్ రన్టైమ్ అని మేకర్స్ భావిస్తున్నారు. దీనికి సంబంధించిన అధికారిక ప్రకటన త్వరలోనే రానుంది.
కాగా ఈ సినిమాలో ఎస్.జె. సూర్య కీలక పాత్రలో నటిస్తుండగా యోగి బాబు, గౌరీ కిషన్, మాళవిక ఇతర ముఖ్య పాత్రలు పోషిస్తున్నారు. అనిరుధ్ రవిచందర్ సంగీతం అందిస్తున్న ఈ చిత్రాన్ని నయనతార, ఎస్.ఎస్. లలిత్ కుమార్ నిర్మిస్తున్నారు. కాగా, తెలుగులో ఈ సినిమాను శ్రీ పద్మిని సినిమాస్ విడుదల చేస్తోంది.
