160 కోట్ల యూత్ బ్లాక్ బస్టర్ ‘వాలా 2’ తెలుగు రిలీజ్ డేట్ వచ్చేసింది!

ఈ ఏడాది మన తెలుగులో మన శంకర వరప్రసాద్ గారు అంటూ భారీ హిట్ కొట్టిన నిర్మాత సాహు గారపాటి మలయాళంలో సైలెంట్ గా ఓ చిన్న సినిమా విడుదల చేసి సంచలన సక్సెస్ అందుకున్నారు. మరి ఆ సినిమానే “వాలా 2”. ఇది వరకే మలయాళంలో వచ్చిన సూపర్ హిట్ సినిమా వాలా కి సీక్వెల్ గా వచ్చిన ఈ యూత్ ఎంటర్టైనర్ భారీ బ్లాక్ బస్టర్ అయ్యి ఏకంగా 160 కోట్లకి పైగా గ్రాస్ ని ఒక్క మలయాళం నుంచే రాబట్టింది.

ఇలా ఈ సినిమా సక్సెస్ గట్టిగా వినిపించేసరికి తెలుగు వెర్షన్ రిలీజ్ కూడా ఉంటుంది అని చాలా మంది భావించారు. మరి ఫైనల్ గా షైన్ స్క్రీన్స్ వారు ఈ సెన్సేషనల్ హిట్ రిలీజ్ డేట్ ని ఇప్పుడు ఇచ్చేసారు. ఈ ఏప్రిల్ 24న తెలుగులో గ్రాండ్ గా రిలీజ్ చేస్తున్నట్టు ఇప్పుడు ప్రకటించారు. ఇది మాత్రం తెలుగు ఆడియెన్స్ కి గుడ్ న్యూస్ అనే చెప్పాలి. ఇక ఈ సినిమాని సవిన్ సా దర్శకత్వం వహించగా హాషిర్ హెచ్, అలన్ బిన్ సిరాజ్, అజిన్ జాయ్, వినాయక్ వి, అల్ఫోన్స్ పుత్రేన్, విజయ్ బాబు, అజు వర్గీస్, సుదీష్, బిజుకుట్టన్, వేద శంకర్, ఆరాధ్య సాయి, ఏంజెల్ మరియా తదితరులు నటించారు.