సూపర్ స్టార్ రజనీ కాంత్, బ్లాక్‌బస్టర్ డైరెక్టర్ శంకర్‌ల కాంబినేషన్‌లో వచ్చిన ప్రభంజనం ‘రోబో’కి సీక్వెల్‌గా ప్రస్తుతం ‘రోబో 2’ తెరకెక్కుతోన్న విషయం తెలిసిందే. ఇండియన్ సినిమాలోనే అత్యంత భారీ బడ్జెట్ సినిమాగా తెరకెక్కుతోందన్న ప్రచారం పొందుతోన్న ఈ సినిమా ఇప్పటికే 50% వరకూ షూటింగ్ పూర్తి చేసుకుంది. ఇక ఈ సినిమాకు సంబంధించిన ఫస్ట్‌లుక్‌ను నవంబర్ నెలలో విడుదల చేయనున్నట్లు టీమ్ స్పష్టం చేసింది. నేడు శంకర్ పుట్టినరోజు సందర్భంగా ఆయనకు శుభాకాంక్షలు తెలియజేస్తూ టీమ్ ఈ విషయాన్ని స్పష్టం చేసింది.
బాలీవుడ్ స్టార్ హీరో అక్షయ్ కుమార్ విలన్‌గా నటిస్తోన్న ఈ సినిమా విజువల్ ఎఫెక్ట్స్ పరంగా ఓ కొత్త అనుభూతినిస్తుందని తెలుస్తోంది. లైకా ప్రొడక్షన్స్‌ నిర్మిస్తోన్న ఈ సినిమాలో అమీ జాక్సన్ హీరోయిన్‌గా నటిస్తుండగా, ఏ.ఆర్.రహమాన్ సంగీతం సమకూరుస్తున్నారు. వచ్చే ఏడాది సినిమా ప్రేక్షకుల ముందుకు రానుంది.