నందమూరి బాలకృష్ణ ప్రధాన పాత్రలో, స్టార్ డైరెక్టర్ అనిల్ రావిపూడి దర్శకత్వం లో రూపొందుతున్న యాక్షన్ ఎంటర్టైనర్ భగవంత్ కేసరి. షైన్ స్క్రీన్స్ బ్యానర్ పై నిర్మిస్తున్న ఈ చిత్రానికి మ్యూజికల్ సెన్సేషన్ థమన్ సంగీతం అందిస్తున్నారు. ఈ చిత్రం ను అక్టోబర్ 19, 2023 న వరల్డ్ వైడ్ గా థియేటర్ల లో రిలీజ్ చేసేందుకు మేకర్స్ సన్నాహాలు చేస్తున్నారు. ఇప్పటికే ఈ సినిమా నుండి రిలీజైన ప్రచార చిత్రాలకి ప్రేక్షకుల నుండి, అభిమానుల నుండి మంచి రెస్పాన్స్ వచ్చింది.
అయితే ఈ సినిమా కి బుక్ మై షో లో 51 కే కి పైగా ఇంట్రెస్ట్స్ లభించాయి. ఈ చిత్రం పై ప్రేక్షకుల్లో ఎంత ఆసక్తిని కలిగి ఉందో, ఇది తెలియజేస్తుంది. కాజల్ అగర్వాల్ హీరోయిన్ గా నటిస్తున్న ఈ చిత్రంలో శ్రీ లీల కీలక పాత్రలో నటిస్తుండగా, బాలీవుడ్ నటుడు అర్జున్ రాంపాల్ విలన్ పాత్రలో నటిస్తున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.