పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్ గా దర్శకుడు క్రిష్ జాగర్లమూడి దర్శకత్వం వహిస్తున్న తాజా చిత్రం “హరిహర వీరమల్లు”. 17వ శతాబ్దం నాటి సెటప్ లో ప్లాన్ చేసిన ఈ భారీ పాన్ చిత్రంపై సాలిడ్ అంచనాలు నెలకొన్నాయి. మరి అలాగే 50 శాతం మేర షూట్ కంప్లీట్ చేసుకున్న ఈ హిస్టారికల్ చిత్రం బ్యాలన్స్ షూట్ లో పాల్గొనేందుకు పవన్ రెడీగా ఉన్నారని నిర్మాత ఏ ఎం రత్నం తెలిపారు.
అయితే ఈ మాటల్లోనే ఈ సినిమా విడుదలపై పలు అనుమానాలు స్టార్ట్ అయ్యాయి, మొదటగా ఈ చిత్రాన్ని వచ్చే ఏడాది సంక్రాంతి కానుకగా విడుదల చెయ్యడానికి అధికారికంగా ఫిక్స్ చేసేసారు. కానీ ఇప్పుడు మిగిలి ఉన్న షూట్ నిమిత్తం అది ఇంకా ముందుకు వెళ్లొచ్చన్న మాట కూడా ప్రస్తావనలోకి వచ్చింది. మరి ఈ భారీ చిత్రం అనుకున్న సమయానికి వస్తుందా లేదా అన్నది కాలమే నిర్ణయించాలి.
