కోటి తనయుడు రాజీవ్ సాలూర్ హీరోగా, వర్ష విశ్వనాథ్ హీరోయిన్‌ గా రాబోతున్న డిఫరెంట్ కాన్సెప్ట్ మూవీ 11:11. టైగర్ హిల్స్ ప్రొడక్షన్, స్వస్తిక ఫిలిమ్స్ పతాకాల పై ప్రొడక్షన్ నెంబర్ 1గా కిట్టు నల్లూరి దర్శకత్వంలో రూపొందుతున్న ఈ సినిమాకు గాజుల వీరేష్ నిర్మాతగా వ్యవహరిస్తున్నారు. విడుదలకు సిద్దమవుతున్న ఈ సినిమా ప్రమోషన్స్ వేగవంతం చేసింది చిత్రయూనిట్. ఈ నేపథ్యంలో హీరో దగ్గుబాటి రానా 11:11 మోషన్ కాన్సెప్ట్ పోస్టర్ ను రిలీజ్ చేశారు.

రిపబ్లిక్ డే కానుకగా విడుదల చేసిన ఈ వీడియో సినిమాపై ఆసక్తి రేకెత్తిస్తోంది. ఒక నిమిషం రెండు సెకనుల నిడివితో కట్ చేసిన ఈ మోషన్ కాన్సెప్ట్ పోస్టర్‌లో కేవలం మూడు క్యారెక్టర్స్ చూపిస్తూ సినిమాపై క్యూరియాసిటీ పెంచారు. హీరో రాజీవ్ సాలూర్, హీరోయిన్ వర్ష విశ్వనాథ్ మధ్య లవ్ ట్రాక్, అందులో అనూహ్యంగా ఎంటరైన ఓ వ్యక్తి, అతన్ని హతమార్చడం లాంటి సీన్స్ ఈ వీడియోలో కనిపించాయి. ఆసక్తి రేకెత్తిస్తున్న థ్రిల్లింగ్ కాన్సెప్ట్‌కి తోడు మణిశర్మ అందించిన బ్యాక్‌గ్రౌండ్ స్కోర్, ఈశ్వర్ సినిమాటోగ్రఫీ ఈ వీడియోలో హైలైట్ అయ్యాయి.

గతంలో ఈ 11:11 చిత్ర టైటిల్ ఫస్ట్ లుక్‌ ను హైదరాబాద్ లోని పార్క్ హయత్ హోటల్‌ లో గ్రాండ్‌గా లాంచ్ చేసి చిత్రయూనిట్ మొత్తానికి బెస్ట్ విషెస్ చెప్పారు మెగాస్టార్ చిరంజీవి. ఇక ఇప్పుడు మోషన్ పోస్టర్ విషయంలో రానా సపోర్ట్ దొరికింది. ఈ సినిమా సూపర్ సక్సెస్ సాధించాలని రానా కోరుకున్నారు.

రాజీవ్ సాలూర్, వర్ష విశ్వనాథ్, రోహిత్, కోటి సాలూర్, సదన్, లావణ్య, రాజా రవీంద్ర, రాజా శ్రీ తదితరులు కీలక పాత్రల్లో నటిస్తున్న ఈ చిత్రానికి ఎడిటర్ రవి మాన్ల, డైలాగ్స్ పవన్ కె అచల, మ్యూజిక్ మణిశర్మ, ప్రొడ్యూసర్ గాజుల వీరేష్, లైన్ ప్రొడ్యూసర్ సందీప్ గాలి, స్టోరీ, స్క్రీన్ ప్లే, డైరెక్షన్ కిట్టు నల్లూరి, పీఆర్వో సాయి సతీష్, రాంబాబు పర్వతనేని లుగా వ్యవహరిస్తున్నారు.