సుందర్ సి, తమనా భాటియా మరియు రాశి ఖన్నా ప్రధాన పాత్రల్లో నటించిన తమిళ హార్రర్ కామెడీ ఎంటర్టైనర్ అరణ్మనై 4, మే 3, 2024న తెలుగులో బాక్ పేరుతో ఏకకాలంలో విడుదలవుతోంది. సుందర్ సి ఈ చిత్రానికి దర్శకత్వం వహించారు. ఈ చిత్రం ఇటీవలే సెన్సార్ కార్యక్రమాలు పూర్తి చేసుకుని U/A సర్టిఫికేట్‌ను పొందింది. నటీమణులు తమన్నా భాటియా మరియు రాశి ఖన్నా ఈ చిత్రాన్ని తెలుగులో కూడా గట్టిగానే ప్రమోట్ చేస్తున్నారు.
బాక్‌ని ప్రచారం చేయడానికి వారు ప్రింట్ మరియు వెబ్ మీడియాతో ఇంటరాక్ట్ అవుతున్నారు . సుందర్ సి భార్య ఖుష్భు సుందర్, ఎసిఎస్ అరుణ్ కుమార్ నిర్మించిన ఈ సినిమాలో కోవై సరళ, యోగి బాబు, వెన్నెల కిషోర్, శ్రీనివాస రెడ్డి, సునీల్, కెఎస్ రవికుమార్, తదితరులు కీలక పాత్రల్లో నటించారు. ఈ చిత్రానికి హిప్హాప్ తమిజా సంగీతం అందించారు.
