మాజీ బ్యూటీ అమీషా పటేల్ ప్రస్తుతం పెళ్లి ప్రపోజల్ తో సోషల్ మీడియాలో వైరల్ అవుతుంది. అమీషా పటేల్ దివంగత కాంగ్రెస్‌ నేత అహ్మద్‌ పటేల్ తనయుడు ఫైజల్‌ పటేల్ తో గత కొంతకాలంగా ప్రేమలో ఉందని పుకార్లు వినిపించాయి. అయితే, ఆ పుకార్ల పై అమీషా పటేల్ ఇన్నాళ్లు స్పందించలేదు. కానీ, తమ ప్రేమ బంధం పై ఇటు అమీషా పటేల్ – అటు ఫైజల్‌ పటేల్ ఒక మెసేజ్ తో క్లారిటీ ఇచ్చారు.
తాజాగా ఫైజల్‌ 41వ బర్త్ డే సందర్భంగా గ్రాండ్‌ పార్టీ ఇచ్చాడు. అయితే, ఫైజల్‌ పుట్టినరోజు సందర్భంగా ‘హ్యాపీ బర్త్ డే మై డార్లింగ్.. ఐ లవ్ యు’ అని అమీషా ట్వీట్ చేసింది. ఈ ట్వీట్ కి ఫైజల్‌ ఆసక్తికరంగా స్పందిస్తూ.. ‘థ్యాంక్యూ అమీషా పటేల్. ఈ సందర్భంగా పబ్లిక్‌ గా నీకు ప్రపోజ్‌ చేస్తున్నాను. నన్ను పెళ్లి చేసుకుంటావా ?’ అని మెసేజ్ చేస్తూ పెళ్లి ప్రపోజల్ పెట్టాడు. అయితే, ఆ తర్వాత ఏమైందో ఏమో గానీ, కాసేపటికే ఫైజల్‌ ఆ ట్వీట్ ను డిలీట్‌ చేశాడు.