ఇటీవల బాలీవుడ్ సినిమా నుంచి వచ్చిన పలు చిత్రాల్లో స్టార్ నటుడు అజయ్ దేవగణ్ నుంచే రెండు సినిమాలు ఈ ఏడాది ప్రథమార్ధం లోనే వచ్చేసాయి. వాటిలో “సైతాన్” భారీ హిట్ గా నిలవగా ఈ చిత్రం తర్వాత సాలిడ్ ఎమోషనల్ స్పోర్ట్స్ డ్రామా “మైదాన్” కూడా వచ్చింది. అయితే ఈ చిత్రం అనుకున్న రేంజ్ సక్సెస్ ని అందుకోలేకపోయింది. విమర్శకుల ప్రశంసలు అపారంగా అందుకున్నప్పటికీ ఈ చిత్రం బాక్సాఫీస్ దగ్గర చతికల పడింది.
దీనితో ఈ సినిమాని ఓటిటిలో అయినా చాలా మంది చూడాలి అనుకున్నారు. ఇపుడు ఫైనల్ గా ఈ చిత్రం ఓటిటిలో వచ్చేసింది. ఈ సినిమా హక్కులు అమెజాన్ ప్రైమ్ వీడియోలో రిలీజ్ కి స్ట్రీమింగ్ కి వచ్చేసింది. కానీ ఇందులో ప్రస్తుతం రెంటల్ గా అది కూడా ఒక్క హిందీ భాషలో మాత్రమే స్ట్రీమింగ్ కి వచ్చింది. నిజానికి ఈ సినిమాని పాన్ ఇండియా భాషల్లో థియేట్రికల్ రిలీజ్ ప్లాన్ చేశారు.
కానీ ఫుల్ ఫ్లెడ్జ్ గా అయితే ఈ చిత్రం వాటిలో తర్వాత రావొచ్చు. ఇక ఈ చిత్రాన్ని ఇపుడు చూడాలి అనుకుంటే ప్రైమ్ వీడియోలో 349 రూపాయలు చెల్లించి చూడాలి. మరి ఫ్రీ స్ట్రీమింగ్ డేట్ ఎప్పుడు అనేది ఇంకా క్లారిటీ రావాల్సి ఉంది. ఇక ఈ చిత్రానికి అమిత్ శర్మ దర్శకత్వం వహించగా బోనీ కపూర్ నిర్మాణం వహించారు.
