ప్రముఖ నటుడు అజయ్ ఘోష్ అలాగే చాందినీ చౌదరి ప్రముఖ పాత్రలు పోషించిన చిత్రం “మ్యూజిక్ షాప్ మూర్తి”. మంచి కాన్సెప్ట్‌, కంటెంట్‌తో రాబోతోన్న ఈ చిత్రాన్ని ఫ్లై హై సినిమాస్‌పై హర్ష గారపాటి మరియు రంగారావు గారపాటి నిర్మించారు. శివ పాలడుగు ఈ మూవీకి కథ, కథనాన్ని అందించి దర్శకత్వం వహించాడు. ఇప్పటికే ఈ చిత్రం నుంచి రిలీజ్ చేసిన టీజర్, పాటలు ఆడియెన్స్‌లో మంచి బజ్‌ను క్రియేట్ చేశాయి.
అయితే ఒక మ్యూజికల్ అండ్ ఎమోషనల్ ఎంటర్టైనర్ గా తెరకెక్కించిన “మ్యూజిక్ షాప్ మూర్తి” సినిమాను జూన్ 14న విడుదల చేయబోతోన్నట్టుగా కొత్త డేట్ ని మేకర్లు ప్రకటించారు. ఇంకో మూడు వారాల్లో ఈ చిత్రం ప్రేక్షకులకు అద్భుతమైన ఎమోషనల్ ట్రీట్‌ను ఇచ్చేందుకు రాబోతోంది. మ్యూజిక్ షాప్ మూర్తి కుటుంబ సమేతంగా చూడదగ్గ ఓ కంప్లీట్ ఫ్యామిలీ ఎంటర్టైనర్.
అంబాజీపేట మ్యారేజ్ బ్యాండ్, బేబీ, డిజె టిల్లు వంటి బ్లాక్ బస్టర్లను విజయవంతంగా పంపిణీ చేసిన ధీరజ్ మొగిలినేని ఎంటర్‌టైన్‌మెంట్ ద్వారా ఈ చిత్రం గ్రాండ్ రిలీజ్ అవుతుండటంతో ఇదీ హిట్ అవుతుంది అని నమ్ముతున్నారు.
ఇక ఈ చిత్రానికి సాంకేతిక సిబ్బంది: రచన & దర్శకత్వం: శివ పాలడుగు, నిర్మాతలు: హర్ష గారపాటి & రంగారావు గారపాటి, సహ నిర్మాతలు: సత్య కిషోర్ బచ్చు, వంశీ ప్రసాద్ రాజా వాసిరెడ్డి, సత్యనారాయణ పాలడుగు, బ్యానర్: ఫ్లై హై సినిమాస్, సంగీతం: పవన్, సాహిత్యం: మహేష్ పోలోజు & పవన్, డైరెక్టర్ ఆఫ్ ఫోటోగ్రఫీ: శ్రీనివాస్ బెజుగం, ఎడిటర్: బొంతల నాగేశ్వర రెడ్డి, కొరియోగ్రఫీ: మొయిన్ మాస్టర్, పీఆర్వో : ఎస్ఆర్ ప్రమోషన్స్ (సాయి సతీష్) లు అందిస్తున్నారు.
