తమిళ హీరో అజిత్ కుమార్ ప్రస్తుతం వరుసబెట్టి సినిమాలు చేస్తున్నాడు. ఆయన నటించిన రెండు సినిమాలు కూడా షూటింగ్ ముగించుకుని రిలీజ్‌కు రెడీ అయ్యాయి. ఇందులో గుడ్ బ్యాడ్ అగ్లీ, విదాముయార్చి చిత్రాలు ఇప్పటికే రిలీజ్ డేట్స్‌ను వాయిదా వేసుకున్నాయి. అయితే, ఈ చిత్రాల్లో ‘విదాముయార్చి’ మూవీపై ప్రేక్షకుల్లో సాలిడ్ అంచనాలు క్రియేట్ అయ్యాయి.
తాజాగా ఈ సినిమాకు సంబంధించిన ట్రైలర్‌ను మేకర్స్ రిలీజ్ చేశారు. అజిత్ సినిమా అంటే ఎలా ఉంటుందో మరోసారి ఈ ట్రైలర్ ప్రూవ్ చేసింది. ఇందులో పూర్తి యాక్షన్ సీక్వెన్స్‌లతో పవర్‌ప్యాక్డ్ కథతో అజిత్ మరోసారి అభిమానులను అలరించేందుకు సిద్ధమవుతున్నాడు. ఇక ఆయనతో పాటు యాక్షన్ కింగ్ అర్జున్ కూడా ఈ సినిమాలో సాలిడ్ రోల్ చేస్తున్నట్లు ఈ ట్రైలర్ చూస్తే అర్థమవుతోంది.
అందాల భామ త్రిష ఈ సినిమాలో హీరోయిన్‌గా నటిస్తుండగా రెజీనా మరో లీడ్ రోల్‌లో నటిస్తోంది. యాక్షన్ ప్రియులకు ఫుల్ మీల్స్ అందించే విధంగా ఈ మూవీని దర్శకుడు మగిళ్ తిరుమేని డైరెక్ట్ చేస్తున్నాడు. ఇక ఈ సినిమాకు మ్యూజిక్ సెన్సేషన్ అనిరుధ్ రవిచందర్ సంగీతం అందిస్తున్నాడు. ‘పట్టుదల’ చిత్రాన్ని ఫిబ్రవరి 6న గ్రాండ్ రిలీజ్ చేసేందుకు మేకర్స్ రెడీ అవుతున్నారు.
వీడియో కోసం ఇక్కడ క్లిక్ చేయండి