నటసింహం నందమూరి బాలకృష్ణ హీరోగా బోయపాటి శ్రీను దర్శకత్వంలో తెరకెక్కిన యాక్షన్ మాస్ ఎంటర్టైనర్ మూవీ అఖండ. 2021 లో గ్రాండ్ లెవెల్లో రిలీజ్ అయి బాక్సాఫీస్ వద్ద పెద్ద విజయం అందుకున్న ఈమూవీలో బాలకృష్ణ డ్యూయల్ రోల్ పోషించగా వాటిలో అఘోర పాత్రలో ఆయన నటనకు విశేషమైన ప్రశంసలు దక్కాయి. ఇక ఆ తరువాత అఖండ సీక్వెల్ కూడా ఉంటుందని దర్శకుడు బోయపాటి ప్రకటించారు.
అయితే గత కొన్నాళ్లుగా ఈ మూవీ గురించి పలు మీడియా మాధ్యమాల్లో కథనాలు ప్రచారం అవుతున్నాయి. ఇక లేటెస్ట్ టాలీవుడ్ బజ్ ప్రకారం ప్రస్తుతం బోయపాటి శ్రీను ఆ మూవీ యొక్క స్క్రిప్ట్ ని వేగంగా పూర్తి చేసే పనిలో నిమగ్నమై ఉన్నట్లు చెప్తున్నారు. అలానే బాలకృష్ణ పుట్టిన రోజైన జూన్ 10న ఈ మూవీ యొక్క అనౌన్స్ మెంట్ రానుందని అంటున్నారు. అయితే దీని పై మేకర్స్ నుండి అధికారికంగా క్లారిటీ రావాల్సి ఉంది.
