మార్చ్ 12 న కర్నూల్ లో గ్రాండ్ గా జరగనున్న “అఖండ కృతజ్ఞత సభ”

Published on Mar 9, 2022 9:30 pm IST


నటసింహ నందమూరి బాలకృష్ణ, మాస్ డైరెక్టర్ బోయపాటి శ్రీను కాంబినేషన్‌లో సెన్సేషనల్ బ్లాక్ బస్టర్ అఖండ 100 రోజుల వేడుక అయిన అఖండ కృతజ్ఞత సభ మార్చి 12న కర్నూలులో జరగనుంది. ఈ వేడుకకు చిత్ర బృందం మొత్తం హాజరుకానుంది. ఆంద్ర ప్రదేశ్‌ రాష్ట్రం లో కరోనా థర్డ్ వేవ్ మరియు తక్కువ టికెట్ ధర వంటి అనేక అననుకూల పరిస్థితులు ఉన్నప్పటికీ, అఖండ బాక్సాఫీస్ వద్ద భారీ బ్లాక్‌బస్టర్‌గా నిలిచింది. ద్వారకా క్రియేషన్స్ పతాకంపై మిర్యాల రవీందర్ రెడ్డి నిర్మించిన ఈ చిత్రం బయ్యర్లందరికీ భారీ లాభాలను అందించింది.

బాలకృష్ణ కెరీర్‌లో అత్యధిక బడ్జెట్‌తో తెరకెక్కిన చిత్రం అఖండ, అలాగే నటుడికి అత్యధిక వసూళ్లు రాబట్టిన చిత్రం. దర్శకుడు బోయపాటి మరియు నిర్మాణ సంస్థ ద్వారకా క్రియేషన్స్‌కు కూడా ఇది అత్యధిక వసూళ్లను రాబట్టిన చిత్రం. బాలకృష్ణ, బోయపాటి కాంబినేషన్‌లో వచ్చిన హ్యాట్రిక్ బ్లాక్‌బస్టర్స్‌ ను కూడా పూర్తి చేశారు. ప్రగ్యా జైస్వాల్ కథానాయికగా నటించిన ఈ చిత్రానికి ఎస్ తమన్ సంగీతం అందించారు. ఈ చిత్రం ప్రస్తుతం డిస్నీ ప్లస్ హాట్‌స్టార్‌లో ప్రసారం అవుతోంది.

సంబంధిత సమాచారం :