మెగాపవర్ స్టార్ రామ్ చరణ్ హీరోగా జాన్వీ కపూర్ హీరోయిన్ గా యువ దర్శకుడు బుచ్చిబాబు సానా కలయికలో చేస్తున్న అవైటెడ్ సినిమా పెద్ది కోసం అందరికీ తెలిసిందే. పాన్ ఇండియా లెవెల్లో మంచి హైప్ భారీ ప్రమోషన్స్ జరుపుకుంటున్న ఈ సినిమా నేడు భోపాల్ లో బిగ్గెస్ట్ ఈవెంట్ జరుపుకుంటుంది. రెహమాన్ లైవ్ పెర్ఫామెన్స్ అలానే సాంగ్ లాంచ్ కూడా ఇక్కడ జరగనున్నాయి. అయితే ఈ భారీ ఈవెంట్ పైనే అందరి కళ్ళు పడ్డాయి.
మేకర్స్ ఊహించని రేంజ్ లో అక్కడ ఏర్పాట్లు చేస్తున్నారు. అలాగే ఓ లక్ష మంది జనాభా అక్కడ ఈవెంట్ కి హాజరయ్యే అవకాశం ఉందని మరో షాకింగ్ బజ్ కూడా ఉంది. ఇది నిజం అయితే మాత్రం ఐకాన్ స్టార్ అల్లు అర్జున్ పుష్ప 2 పాట్నా ఈవెంట్ ని మ్యాచ్ చేసినట్టే అని చెప్పాలి. ఆ ఈవెంట్ ఊహించని సక్సెస్. నార్త్ ఇండియాలో ఓ టాలీవుడ్ హీరో డామినేషన్ ఆ రేంజ్ లో ఉంటుంది అని బన్నీ చూపించాడు. ఇప్పుడు ఇదే టాస్క్ మెగాపవర్ స్టార్ రామ్ చరణ్ ముందుకు వచ్చింది. సో ఈ ఈవెంట్ రెస్పాన్స్ ఎలా ఉంటుందో అని అంతా ఎదురు చూస్తున్నారు.
