దర్శకుడు మహాదేవ్ దర్శకత్వంలో మాజీ ప్రధాని దేవ గౌడ మనువడు నిఖిల్ గౌడ హీరోగా పరిచయం అవుతూ చేసిన చిత్రం ‘జాగ్వార్’. ప్రముఖ కథా రచయిత విజయేంద్ర ప్రసాద్ అందించిన కథ ఆధారంగా తెరకెక్కిన ఈ చిత్రం అక్టోబర్ 6 దసరా కానుకగా విడుదలవుతుండగా చిత్రా ఆడియో వేడుక రేపు హైదరాబాద్ లోని నోవాటెల్ హోటల్లో అంగరంగ వైభవంగా జరుగనుంది.
నిఖిల్ గౌడ తండ్రి కుమార్ స్వామి ఆహ్వానం మేరకు ఈ కార్యక్రమానికి పవన్ కళ్యాణ్, తెలంగాణా ముఖ్యమంత్రి కేసీఆర్ లు ముఖ్య అతిధులుగా హాజరయ్యే అవకాశముంది. ఇకపోతే ఎస్ఎస్ థమన్ సంగీతం అందించిన ఈ భారీ బడ్జెట్ చిత్రంలో జగపతి బాబు, రమ్య కృష్ణ, బ్రహ్మాంనందం వంటి ప్రముఖ నటులు నటించగా హీరోయిన్ మిల్కీ బ్యూటీ తమన్నా ఓ సాంగ్ లో ఆడి పాడనుంది.