స్టైలిష్ స్టార్ అల్లు అర్జున్ పబ్లిక్ ఈవెంట్స్ లో బాగా చురుకుగా పాల్గొనడమే కాకుండా టాలెంట్ ఉన్న వాళ్ళని బాగా ఎంకరేజ్ చేస్తుంటారు. అలాంటి అల్లు అర్జున్ ఈ సారి సమాజం కోసం ఏమన్నా చెయ్యాలి అనే ఉద్దేశం మీద సోషల్ రెస్పాన్సిబిలిటీ పై అవగాహన కలిగించేందుకు తన స్వీయ నిర్మాణంలో, తను నటిస్తూ ఓ షార్ట్ ఫిల్మ్ చేస్తున్నాడు.
ఈ సోషల్ అవేర్నెస్ షార్ట్ ఫిల్మ్ కి సుకుమార్ దశాకత్వం వహిస్తున్నాడు. ఈ షార్ట్ ఫిలిం ని స్వాతంత్ర్య దినోత్సవం రోజున అనగా ఆగష్టు 15న రిలీజ్ చేయడానికి సన్నాహాలు చేస్తున్నారు. ఈ మధ్య కాలంలో ఏ స్టార్ హీరో ఇలా సమాజానికి మేలు చేసే కారణం మీద షార్ట్ ఫిల్మ్ చేయలేదు. దాంతో అల్లు అర్జున్ పై సోషల్ మీడియాలో ప్రశంశల వెల్లువ కురుస్తోంది. మరి సుకుమార్ – అల్లు అర్జున్ కాంబినేషన్ లో వస్తున్నా ఈ షార్ట్ ఫిల్మ్ ఎలా ఉంటుంది అనేది తెలియాలంటే ఆగష్టు 15 వరకూ వేచి చూడాల్సిందే..
