మెగా మరియు అల్లు కుటుంబాల్లో పెళ్లి సందడి మొదలైంది. టాలీవుడ్ నటుడు అల్లు శిరీష్ త్వరలోనే ఒక ఇంటివాడు కాబోతున్నాడు. నయనికా రెడ్డితో జరగనున్న ఈ వివాహ వేడుకకు సంబంధించిన పనులు ప్రస్తుతం శరవేగంగా జరుగుతున్నాయి. సంప్రదాయబద్ధమైన వేడుకలతో పాటు, ఈ వివాహ వేడుకల్లో వెస్ట్రన్ పార్టీ కల్చర్ కూడా కనిపిస్తోంది. ఇప్పటికే అన్న అల్లు అర్జున్ తన తమ్ముడి కోసం ఒక గ్రాండ్ ప్రీ-వెడ్డింగ్ పార్టీని ఏర్పాటు చేసి సందడి చేశారు.
తాజాగా అల్లు శిరీష్ పెళ్లి వేడుకలకు సంబంధించిన కొన్ని ఫోటోలను అల్లు స్నేహ రెడ్డి తన ఇన్స్టాగ్రామ్ వేదికగా పంచుకున్నారు. ముఖ్యంగా ‘పసుపు ముహూర్తం’ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఈ ఫోటోలలో అల్లు శిరీష్తో పాటు సుస్మిత కొణిదెల మరియు ఇతర కుటుంబ సభ్యులు ఎంతో ఉత్సాహంగా కనిపిస్తున్నారు. నిండైన సంప్రదాయ దుస్తుల్లో మెరిసిపోతున్న ఈ ఫోటోలు అభిమానులను విశేషంగా ఆకట్టుకుంటున్నాయి.
అల్లు శిరీష్ – నయనికా రెడ్డిల వివాహం మార్చి 6, 2026న అత్యంత వైభవంగా జరగనుంది. ఈ పెళ్లి వేడుకను పూర్తి దక్షిణ భారత సంప్రదాయ పద్ధతుల్లో నిర్వహించనున్నారు. టాలీవుడ్ మరియు ఇతర రంగాలకు చెందిన పలువురు ప్రముఖులు ఈ వివాహ వేడుకకు హాజరై నూతన వధూవరులను ఆశీర్వదించనున్నారు.
