బాలీవుడ్ స్టార్ యాక్టర్స్ లో ఒకరైన రణబీర్ కపూర్ హీరోగా రష్మిక మందున్న హీరోయిన్ గా సందీప్ రెడ్డి వంగా దర్శకత్వంలో తెరకెక్కుతున్న లేటెస్ట్ భారీ పాన్ ఇండియన్ మూవీ యానిమల్. భద్రకాళి పిక్చర్స్, టి సిరీస్ పిక్చర్స్ కలిసి నిర్మిస్తున్న ఈ మూవీ గ్యాంగ్ స్టర్ యాక్షన్ థ్రిల్లర్ గా తెరకెక్కుతోంది. అమిత్ రాయ్ ఫోటోగ్రఫి అందిస్తున్న ఈ మూవీకి మన్నన్ భరద్వాజ్ సంగీతం అందిస్తున్నారు. ఇటీవల రిలీజ్ అయిన ఈ మూవీ ఫస్ట్ గ్లింప్స్ కి అందరి నుండి మంచి రెస్పాన్స్ లభించింది.
ఇక నేడు ఈ మూవీలో అనిల్ కపూర్ ఫస్ట్ లుక్ ని కొద్దిసేపటి క్రితం రిలీజ్ చేసారు. యానిమల్ కా బాప్ బల్బీర్ సింగ్ అంటూ మేకర్స్ రిలీజ్ చేసిన అనిల్ కపూర్ పిక్ ప్రస్తుతం సోషల్ మీడియాలో వైరల్ అవుతోంది. ఈ పిక్ లో ఆయన తగిలిన గాయాలకు చికిత్స తీసుకుని కమిలిపోయిన ఫేస్ తో కనిపిస్తున్నారు. మొత్తంగా ఆడియన్స్ ని ఆకట్టుకునే రీతిలో ఈ మూవీలోని ప్రతి ఒక్క పాత్ర ఉంటుందని అంటున్నారు మేకర్స్. కాగా యానిమల్ టీజర్ ని సెప్టెంబర్ 28న ఉదయం 10 గం. లకు రిలీజ్ చేయనున్నారు. ఇక ఈ మూవీని డిసెంబర్ 1న పలు భాషల ఆడియన్స్ ముందుకి తీసుకురానున్నారు.