కోలీవుడ్ స్టార్ యాక్టర్ విక్రమ్ ప్రధాన పాత్రలో, స్టార్ డైరెక్టర్ శంకర్ దర్శకత్వం లో తెరకెక్కిన చిత్రం అపరిచితుడు. 2005 లో థియేటర్లలో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. బాక్సాఫీస్ వద్ద భారీ వసూళ్లను రాబట్టిన ఈ చిత్రం ఇప్పుడు రీ రిలీజ్ కి రెడీ అయిపోయింది. ఈ చిత్రం మే 17, 2024 న థియేటర్ల లోకి మరోసారి రానుంది.
సదా హీరోయిన్ గా నటించిన ఈ చిత్రం లో ప్రకాష్ రాజ్, వివేక్, నాజర్, కొచ్చిన్ హనీఫా, నేదురుమూడి వేణు కీలక పాత్రల్లో నటించారు. ఆస్కార్ ఫిల్మ్స్ పతాకంపై వి.రవిచంద్రన్ నిర్మించిన ఈ చిత్రానికి హారిస్ జయరాజ్ సంగీతం అందించారు. పలు తమిళ చిత్రాలు తెలుగు లో కూడా రీ రిలీజ్ అయ్యి ప్రేక్షకులను అలరించాయి. అపరిచితుడు చిత్రం రీ రిలీజ్ కి ఎలాంటి రెస్పాన్స్ ను సొంతం చేసుకుంటుందో చూడాలి.
