సూపర్ స్టార్ కృష్ణ మనవడు, మహేష్ బాబు మేనల్లుడు, గుంటూరు పార్లమెంట్ సభ్యుడు జయదేవ్ గల్లా తనయుడు అశోక్ గల్లా హీరోగా పరిచయమవుతూ దర్శకుడు శ్రీరామ్ ఆదిత్య తెరకెక్కిస్తున్న చిత్రం “హీరో”. అమర్రాజా మీడియా అండ్ ఎంటర్టైన్మెంట్ బ్యానర్పై పద్మావతి గల్లా ఈ చిత్రాన్ని నిర్మిస్తున్నారు. ఈ చిత్రంలో అశోక్ గల్లా సరసన ఇస్మార్ట్ బ్యూటీ నిధి అగర్వాల్ నటిస్తుంది.
అయితే ఇటీవల ఈ సినిమా నుంచి “అచ్చ తెలుగందమే” అనే లిరికల్ సాంగ్ విడుదల కాగా ఈ పాటకు యూట్యూబ్లో అద్భుతమైన రెస్పాన్స్ వస్తుంది. ఇప్పటికే ఈ పాట 3.5 మిలియన్ వ్యూస్ని కొల్లగొట్టింది. ఈ పాటకు రామజోగయ్య శాస్త్రి లిరిక్స్ అందించగా, సిద్ శ్రీరామ్, అనుదీప్ దేవ్ మరియు నమిత బాబు ఆలపించారు. కాగా ఈ సినిమాకి జీబ్రాన్ సంగీతాన్ని అందిస్తున్నారు.