విశ్వక్ సేన్ హీరోగా నటించిన ఓరి దేవుడా అత్యంత క్రేజీ ప్రాజెక్ట్‌లలో ఒకటి. ఈ రొమాంటిక్ ఫాంటసీ డ్రామాలో విక్టరీ వెంకటేష్ కీలక పాత్ర లో నటిస్తున్నారు. ఈరోజు ఈ చిత్రం నుండి అవుననవా సాంగ్ ప్రోమో ను చిత్ర యూనిట్ విడుదల చేయడం జరిగింది. ఈ చిత్రం కి లియోన్ జేమ్స్ సంగీతం అందిస్తున్నారు. అయితే ఈ అవుననవా సాంగ్ కి రామ జోగయ్య శాస్త్రి లిరిక్స్ రాయగా, ప్రముఖ సింగర్ సిద్ శ్రీరామ్ పాడటం జరిగింది.
ఈ ప్రోమో కి సంబంధించిన పూర్తి పాటను చిత్ర యూనిట్ సెప్టెంబర్ 27 న విడుదల చేయనున్నట్లు తెలిపారు మేకర్స్. అక్టోబర్ 21 వ తేదీన వరల్డ్ వైడ్ గా థియేటర్ల లో విడుదల కాబోతున్న ఈ చిత్రం పై సర్వత్రా ఆసక్తి నెలకొంది. ఈ చిత్రం తమిళంలో సూపర్‌హిట్ అయిన ఓ మై కడవులే చిత్రానికి అధికారిక రీమేక్. ఒరిజినల్‌ లో విజయ్ సేతుపతి పోషించిన దేవుడి పాత్రను వెంకటేష్ పోషించనున్నారు. తమిళ వెర్షన్‌కి దర్శకత్వం వహించిన అశ్వత్ మరిముత్తు దర్శకత్వం వహించిన ఈ చిత్రంలో మిథిలా పార్కర్ కథానాయిక గా నటిస్తుంది. ఆశా భట్ ఒక ముఖ్యమైన పాత్ర పోషిస్తుంది మరియు దీనిని PVP సినిమా మరియు శ్రీ వెంకటేశ్వర క్రియేషన్స్ కలిసి నిర్మిస్తున్నాయి.
వీడియో కోసం ఇక్కడ క్లిక్ చేయండి