స్టార్ హీరోయిన్ కాజల్ అగర్వాల్ ప్రధాన పాత్రలో నటిస్తున్న ఫిమేల్ సెంట్రిక్ మూవీ సత్యభామ. సుమన్ చిక్కాల దర్శకత్వం వహిస్తున్న ఈ చిత్రంలో నవీన్ చంద్ర కీలక పాత్రలో నటిస్తున్నారు. మొదట ఈ సినిమాని మే 17, 2024న విడుదల చేయాలని మేకర్స్ నిర్ణయించారు. కానీ తర్వాత మే 31, 2024కి వాయిదా పడింది. రిలీజ్ డేట్ దగ్గరపడుతుండగా, సత్యభామ థియేట్రికల్ ట్రైలర్‌ను మే 24, 2024న విడుదల చేయనున్నట్లు మేకర్స్ ఇటీవల ప్రకటించారు.
అయితే ఈ ట్రైలర్ లాంఛ్ ఈవెంట్ ను చాలా గ్రాండ్ గా ప్లాన్ చేస్తున్నారు మేకర్స్. ఈ ఈవెంట్ కి గాడ్ ఆఫ్ మాసెస్ నందమూరి బాలకృష్ణ చీఫ్ గెస్ట్ గా రానున్నారు. ఐటీసీ కోహినూర్, హైదరాబాద్ లో సాయంత్రం 6:30 గంటలకు ఈ ఈవెంట్ ప్రారంభం కానుంది. నవీన్ చంద్ర, ప్రకాష్ రాజ్, నాగినీడు, హర్షవర్ధన్, రవివర్మ, అంకిత్ కొయ్య, సంపద ఎన్, ప్రజ్వల్ యద్మ తదితరులు కీలక పాత్రల్లో నటిస్తున్న ఈ చిత్రం ను ఔరం ఆర్ట్స్ పతాకంపై బాబీ తిక్క, శ్రీనివాస్ రావు తక్కలపెల్లి నిర్మిస్తున్నారు. ఈ చిత్రానికి శశి కిరణ్ తిక్క కథా రచయితగా, శ్రీచరణ్ పాకాల మ్యూజిక్ డైరెక్టర్ గా వ్యవహరిస్తున్నారు.
