సక్సెస్ ఫుల్ డైరెక్టర్ అనిల్ రావిపూడి దర్శకత్వంలో బాలయ్య బాబు హీరోగా ఓ పక్కా యాక్షన్ అండ్ కామెడీ ఎంటర్ టైనర్ రాబోతున్న సంగతి తెలిసిందే. కాగా ఈ సినిమా తర్వాత చిత్రాన్ని కూడా బాలయ్య దాదాపు ఫిక్స్ చేసినట్లు తెలుస్తోంది. యంగ్ టాలెంటెడ్ డైరెక్టర్ వెంకీ కుడుముల తో ఓ సినిమా చేయడానికి బాలయ్య గ్రీన్ సిగ్నల్ ఇచ్చాడట. ఫ్యామిలీతో కలిసి హ్యాపీగా సినిమాని చూసే విధంగా వెంకీ కుడుముల సినిమాలు ఉంటాయి.
అలాంటి ఫ్యామిలీ ఎంటర్ టైనర్ ను చేయాలని బాలయ్య ప్లాన్ చేస్తున్నాడు. ఈ క్రమంలో వెంకీ కుడుముల సినిమాలు బాలయ్యకి బాగా నచ్చాయట. అందుకే బాలయ్య ఛాన్స్ ఇచ్చాడని తెలుస్తోంది. అయితే, వెంకీ కుడుముల, మెగాస్టార్ తో సినిమా ప్లాన్ చేస్తున్నాడని ఆ మధ్య వార్తలు వచ్చాయి. కానీ అంతలో బాలయ్య – వెంకీ కుడుముల కాంబినేషన్ తెర పైకి వచ్చింది. మరోవైపు ప్రస్తుతం గోపీచంద్ మలినేని దర్శకత్వంలో బాలయ్య సినిమా చేస్తున్నాడు. వచ్చే నెలలో అనిల్ రావిపూడి సినిమాని కూడా బాలయ్య స్టార్ట్ చేసేలా ఉన్నాడు. మొత్తానికి బాలయ్య ఫుల్ ఫామ్ లో ఉన్నాడు.