కన్నడ స్టార్ హీరో శివ రాజ్ కుమార్ ప్రధాన పాత్రలో నటించిన వేద కన్నడ బాక్సాఫీస్ వద్ద భారీ వసూళ్లను రాబట్టింది. ఈ రివెంజ్ డ్రామా తర్వాత తెలుగు, తమిళ భాషల్లో కూడా విడుదలైంది. వేద నటుడి 125వ చిత్రం. విజయవంతమైన థియేట్రికల్ రన్ తర్వాత, ఈ చిత్రం ఇప్పుడు ప్రధాన భారతీయ భాషలలో జీ5 లో ప్రసారం అవుతోంది. ఓటిటి లో కూడా ఈ చిత్రానికి మంచి రెస్పాన్స్ వచ్చింది.
ఇప్పటి వరకు, ఈ చిత్రం డిజిటల్ ప్లాట్‌ఫారమ్‌లో 125 మిలియన్ స్ట్రీమింగ్ నిమిషాల తో దూసుకు పోతుంది. వేద ఆ విధంగా థియేటర్లలో మరియు ఓటిటి లో బ్లాక్ బస్టర్ గా నిలిచింది. ఓటిటి లో ఈ అద్భుత విజయంతో, శివన్న అభిమానులు, జీ5 తో పాటు, బెంగళూరులోని ఒక థియేటర్ వద్ద నటుడి యొక్క 40 అడుగుల భారీ కటౌట్‌ను ఏర్పాటు చేశారు. ఈ చిత్రంలో గానవి లక్ష్మణ్ ఉమాశ్రీ, అదితి సాగర్ కీలక పాత్రలు పోషిస్తున్నారు. గీతా పిక్చర్స్, జీ స్టూడియోస్ సంయుక్తంగా నిర్మించిన ఈ చిత్రానికి హర్ష దర్శకత్వం వహించారు.